Tangkha tui zinghawp dihni ~ Sia Do Khup

Tangkha tui zinghawp dihni ~ Sia Do Khup

Na heh leh zong phamawh kei-in na zui unla, na innkuan un na cidam lawh zaw un maw.

A MAWHNA HANG A SI HILO HI

LUKA 13:2-3; TDB 1Tua laitakin tua lai-a om mi pawlkhat in Jesuh kiangah, Galilee mite in Pasian kiangah biakna pia-in a om laitakin Pilat in a thah mite’ thu a gen uh hi. 2Jesuh in amaute kiangah, “Tua bangin hih Galilee mite kithat ahih manin, Galilee midangte khempeuh sangin hih a kithat mite a mawhna uh lianzaw hi, ci-in ngaihsun na hi uh hiam? 3Hilo hi….. LST sim suak lecin kitel sem.

Pastorte Fatherte a sihsih manin “A mawhna hang uh hi,” a cicite aw, Topa Jesu in “Hilo hi” a cih khit nungsang pau loin om lel in. Nang tung leh na innkuan sungah zong hong tung thei lua hi. Mi’dah mi’ kah laitakin pausiat loh ding thupi mahmah hi.

I TANAU TENG A SIH KHIT DING I DEIH HIAM

Covid masa lai-in “Ka sih leh hong gal kei un” ci-in ka tanaute tungah ka ci zo hi. Hih zah a Covid 19 kilawh baih mahmah hun laitakin, pawi bawl teitei, nat vehin cina pen ii huih diik ding om lo liangin kam uih teng khah khia ngeingai veve, umcih liailuai, si luang kiangah tu ngeingai, a dam lai a, bang pia lah hi ngap lo. Ki-giahpih lailai, inntekte zong tua ding na ut lailai.

A min a ka gen nop loh man hi kei leh natvehna, sigalna pan a Covid 19 natna ngah a cina (or) a si tamkhop thei ta hing. Na pa’ covid lungno nang sungah hong lut manin na pa’ lungno a tawm tuam ding hilo hi. Tua ahih manin natkhoi ten zong muk tuam sitset khut silsil mai ding ahi hi.

PAWLPI SIATE, UPATE, NATVEH, SUMPI INN DON KHAWL PHOTPHOT DING

Pasian na ka seppih Sia tampi (or) a innkuanpih cina gim tam mahmah a, Oxygen sai a dip kik masaksak, oxygen sai ten “Sia Do Khup hong koih hi, ngen un hong ci” ci-in na kila sawn zel hi. Oxygen nisimin bung 300 bang Kawlpi hong tung den hi a, kituh ngeingai-in bei den hi.

Ka van lei zelnate khat un “Ko positive ung, hong pai nawn kei un” hong ci a, itna maan nei ka sa mahmah hi. I Pastorte, Fatherte, upate kiangah “Hong hawh kei un” i cih ding hun ahi hi. Mi gensiat hat lua mahmah ihih manin i Sia ten hong kihta uh a, laupipi-in hong veh manun natna ngah lawh uh hi.

Oxygen deih hong paipai-in tu a zah hang phot ni ei maw, han ding tam lai mah hiven, pilvang ciat ni ei guai. June 25 huam sung bekbekin Kawlpi ah misi 14 bang om a, Pastor, Father leh i it sanggamte hangin i dahna i pulak hi. Sia Do Khup