Singkung pukin mawtaw 2 dengkha, mi 2 sipah in adang mi 3 liam
Malaysia, Kuala Terengganu ah sangkungkhat puksuk in mawtaw 2 dengkha citciat ahih manin, mi 2 in sihlawh cih NST pan kiza hi. Kuala Terengganu aom Jalan Batu Rakit-Kuala Nerus kici lampi tungah tuni sunlam 1pm hunpawl in thupiang kici hi.
Tua singkung puksuk in sanginn khat ii azat mawtaw “School Van” leh adang Perodua Kancil mawtaw khat adengkha ahihi. School Van mawtaw sungah ahawlpa Driver leh midang 2, akigawm in mi 3 atuangkhawm uh hi a, Driver leh sangnaupang pen denglumsuk citciat hi. Adang akhatpa zong nakliam mahmah cihi.
Adang Perodua Kancil mawtaw sungah atuangpen numei 2 hi uh a, tuate zong nakliam mahmah uhhi.
Hih singkung apuksuk pen “Mahogany Tree” akici singkung namkhat hi a, kum 30 bang a upakhin singkung khat ahihi.
Kuala Terengganu police chief Assistant Commissioner Idris Rafar in hih thupiang pen sun 1pm hunpawl in thupiang hi a, mawtaw 2 dengkha citciat hi ci’n genkhia hi.
Video: Falling mahogany tree crushes student, school van driver in Kuala Terengganu freak accident
Terengganu education department director Shafruddin Ali Hussin te’nzong asi mi 2 tepen kum 36 aphakhin Van Driver Mohd Amin Ibrahim leh kum 17 aphakhin sangnaupang Muhammad Zulfahmi Abdul Halim hi ci’n pulakkhia uhhi. Anih un tuahsiatna aphual mahah asisuakpah uh ahihi.
Fire and Rescue Department spokesman khat ii genna ah aliam mi 3 tepen Sultanah Nur Zahirah Hospital ah amanlang in kipuak suakpah hi ci’n genkhia hi.
Related: Singapore Botanic Gardens ah singkungkhat pukin mi 1 denglum, 4 liam
Hih tuahsiatna apian ciangin khuasungvak Motorists te leh khuasung mipi te’n aliamna huhpah ngeingai uhhi. Firefighter zong mi 14 bangin aphual ah delhpah uh cih kiza hi. Khuasung singkung pawlkhat pen alauhuai omtheitham hi. Guahzuk huihhat ciangin singkungnuai khawngah ihbuksawm lehzong asingkung amuanhuai dinghiam cih ngaihsut theihding thupi khading hi. Sawltak #zomidaily
Comment piaknop aomleh...