Sia Mung Tawng & Siamah Niang cidam in Kawlgam tung kikta

Sia Mung Tawng & Siamah Niang cidam in Kawlgam tung kikta

Topa’n ithungetna ongdawng in Full Gospel Assembly International pawlpikem ahi Rev.Dr.Dam Suan Mung leh Rev.Vung Za Niang te nupa abeisa June kha lai zang akipan Australia gamah thu ummite tawh hunnuam tak ava zat khit ciangin, cidam ludam takin tu in kawlgam ciah kik ta uhhi.

Sia te nupa pen adiakdiak in Full Gospel Worship Centre Perth Pawlpi kum(2)cin pawi leh Sia Hen Khup Ordination piakna limci tak in va nei thei uhhi.Kawlgam atun kik uh nipi masa ni July 20,2014 ni-in Topa’n Yangon pawlpi ah thupha pia in nikhat sungin pawl ki ap mi (152),nau min ap (6) leh July 19,2014 ni-in mi (57)tuiphum na neithei uhhi.

Yangon ah pawlpi lungtup ahi pawlpimi Tul (10)neih ding aki tupna sungpan in tulai tak in pawlpi mi (5183) pha in,pawlpi inn (818) dong Topa’n ong behlap tota hi.Topa minthan na hita hen.Sia te nupa kawlgam a omsungin Pawlpi laisiang tho sang ah Siamah Niang in zong sangnau pangte lai hilh na nei ding cih zong kiza hi.Sia te tu kha bei-in Tulsa ong ciah kik ding uh ahihman in thungetna ah phawk ciat ni.

Sia te nupa Perth khuapi sung a om lai uh Video leh Photo pawl khat FGWC Media te kiang pan in ong copy kik ung. Source: FGA Tulsa