Sengam ah ta khatbek neihkhuan “One Child Policy” beitading

Sengam ah ta khatbek neihkhuan “One Child Policy” beitading

Sengam ah abeisa 1970s hunlaipek akipan mihing Population tamluatna tawh nupa khatin ta khatbek neihding “One Child Policy” pen zanni Sunday ni akipan phiatding in thukimna omta cih AFP News pan kizasawn hi. Sengam ah mite kumtamsemsem, aluahtoding beisemsem, Ageing Population banah nasemding mimahmah zong tawmsemsem ahih manin, “One Child Policy” pen aphiat uh kici hi.

Hih “One Child Policy” phiatding pen October khapek in Communist Party in ahanciam hi a, Xinhua News Agency te genkhiatna ah January 1 ni akipan “One Child Policy” beisiangding a, ta anihna ki lakbeh theiding cihi.

Tua hi a, akiteeng nupa te in ta khatbek hinawnlo, anihna zong lakbehthei tading uh a, ahi zongin ciangtan Limit bel omveve laiding cihi. “One Child Policy” pen 1970s pekpan in akizang hi a, tuahun akipan tudong hih “One Child Policy” hangin nausuakding 400 Million kiamsaktuam ahih manin Sengam ah mihing Population kitawmtuam cihi.

Sengam pen leitung ah mihing atampen in aki ciamteh hi a, mihing Population pen 1.37 Billion phalai hi. Ahi zongin hihzah mi atam mahmah lakah khangham kumtam khin tampi kihel ahih manin, Sengam ah Ageing Population buaina omta hi.

Pilnanei Experts te’n agenna ah hih “One Child Policy” panin ta nih neihkhuan apiakpen ziakai luata cilai hi. ZD Sawltak #zomidaily