Malaysia SEA Games pawihunsung Security mi 7000 in mawhpuak lading

Malaysia SEA Games pawihunsung Security mi 7000 in mawhpuak lading

Malaysia gamsung muntuamtuam ah kumpi thunei te’n migilo angongtatsawm Terrorist te aomding patau mahmah uh ahih manin, Operation bawlkawikawi uh a, gamdangmi tampipi mankhia ziahziah uhhi. Tu’n asawtlo mai Saturday ni akipan SEA Games kipantading hisawnsawn ahih manin Security pen khauhsemsem sakding uhhi.

Security Offences Act (Special Measures) 2012 (Sosma) thukhun tawh akituaklo, thukhun apalsat gamdangmi 5 zong Bukit Aman’s Counter Terrorism Division te makaihna tawh kimankhia cihi. Tualak ah Pakistan gammi 3 kihel cihzong kiza hi.

Malaysia SEA Games hunsung in mipi te bitna, lungmuanna aomtheih nadingin Police leh Enforcement Agencies tuamtuam panin mi 7000 te’n Public Safety mawhpuak lading uh cih theStar te’n pulakkhia uhhi.

City Police Chief in agenkhiatna ah SEA Games kimawlna Sports Venues leh Accommodation Areas tengah August 19 ni akipan ni 12 sung Security limtak in kikoihding cihi.

Police Force te’nzong abeisa May khasung akipan SEA Games sungteng buaina apianleh bangci sepding cih ki sinkholhna Security Drill zong 5 veibang aneikhin uh ahihi.

Tuaban ah khuasung mawtaw vakte Traffic Flow zong adiakdiak in SEA Games pawikibawlna muntawh akinai 20 Event Venues leh Hotel 12 geiteng ah City Traffic Police te’n ngakcipdending uhhi.

SEA Games ah akimawlding Athletes te ahi zongin, amakai Games Officials te ahi zongin kimawlding in akuanlam ahi zongin, aciahlam ahi zongin Police Escort bawlsak in, palik te’n kemcing dending uhhi. Tua ahih manin khuasungmi Public te’nzong kimawlna mun 20 geiteng ah mawtaw Traffic a awkciploh nading ahi zongin, Security Reasons hangtawh ahi zongin mawtaw mawkkoih khaklohding kidawm un ci’n zaksakna neikhin uhhi.

SEA Games akimawl te zintunna Hotel 12 aomna lamzikpi te ahi Jalan Ampang, Jalan Tun Razak, Jalan Sultan Ismail, Jalan Bukit Bintang, Jalan Imbi, Jalan Raja Chulan, Jalan Pinang, MEX Highway, Kuala Lumpur-Seremban Highway, Federal Highway cih lamzikpi te ahzong suntawh zantawh Security nasiatak in kikoih khinta hi.

Related: Malaysia gamsung ah SEA Games atunma in Security Drill 5 vei kibawlding

Road Transport Department (JPJ) pan inzong Staff Member 1200 te SEA Games hunsung in Special Duty kisemsakding cih kiza hi.

Tua hi a, tulaitak khuasung ah kumpi thunei, Police cihte tammahmah a, adiakdiak in UN Card neilo te kidopding thupi khading hi. Sawltak #zomidaily