India gamsung ah sangnaupang numeino khat laihuanding alut madiak in apuan sungsilh “Bra” ki suahkhiasak cihthu AFP pan kiza hi. Lai etteh apuakding kilimsit mahmah in, sanginn thunei “School Authorities” te’n asuahkhiatsak cihi.
India gamsung ah Medical College luttheih nadingin akibawl laihuan thupi mahmahkhat ahih manin, thunei te’nzong bangcibang puan silhding cih Dress Code khauhsak mahmah uhhi.
Lai etteh aki puaktheih nadingin aki ummawh phadiak ahi vankham pawlkhat kinei a, tuate lakah numei puansungsil “Bra” pen kihello hi. Aki khamcip vanzat tepen dark clothes, long sleeves, brooches, badges, closed shoes, socks cihte ahihi.
Puansungsilh aki suahkhiasak acihpen in agenkhiatna ah amahpen Kerala State aom exam Center ah laihuanding alutsawm cihi. Kongkhak lutma in Security Check ah “Metal Detector” tawh akisit ciangin ging ahih manin ki lutsaklo hi.
Metal Detector aginna ahangpen tua numeinu ii apuan sungsilh akilhna sikkawi hang ahihi. Tuaciang in mipi lakah apuan sungsilh ki suahkhiasak in, tuakhit ciangin laihuanna Class sungah ki lutsakpan cih NDTV News Network te’n genkhia hi.
Times of India te genna ah tua numeinu pen puansungsilh silhlo in laihuan himawk ahih manin, alungsim linglawng in pataugawp ci uhhi.
Adang sangnaupang numei khatzong Jeans bombi ateeng hi a, akilhna hangin Metal Detector ging ahih manin ki lutsaklo cihi.
Tuaciang in Exam Center panin Kilimeter 3 bang agamlatna vanzuakna ah bombi athak leikik in tuatawh laihsak in lutsakkik uhhi.
Sangsiapi School Principal ii genkhiatna ah hih buaina vaitetawh kisai bangmah kitheihpih khakei cihi.
Ahi zongin laihuanding alutkhempeuh hoihtak kisitding cih thukhun akizui ahihi. Metal Detector aginnak leh sangnaupang kuamah Exam Center sungah ki lutsakloding cih hoihtak in aki gencianna ahih manin, agin nakleh kuamah aki lutsaklo hi ci’n genkhia hi.
Related: India ah pasalno khat akivui dingin hanlam azuat laitak khua phawkkik
India gamsung ah golhguk nekna tuamtuam tam ahih manin laihuan cianginzong kikhemna, thumanlohna aomloh nadingin ki hanciam mahmah cihi.
2015 kum inzong India, Bihar State sungah laihuanna thumanlohna hangin mi tampi kiman ngei hi. ZD Sawltak #zomidaily
Comment piaknop aomleh...