Sang Lian Cung in Malaysia ah damaih taih ahih manin thong kum 3 kiading

Sang Lian Cung in Malaysia gamsung ah damaih taih ahih manin thong kum 3 kiading

Malaysia gamsung setzung Factory khatah nasem ahi Myanmar gammikhat damiah “Robbery” vaitawh thong kum 3 kiading cih Bernama News pan kiza hi. Tua Myanmar gammipa ii aminpen Sang Lian Cung kici a, kum 24 aphakhin khat ahihi.

Hih Sang Lian Cung akicipa pen Myanmar Factory Worker khat kici a, setzung sungah nasemkhat ahihi. Kuala Lumpur khuasung, Kotaraya kuamsung aom Jalan Tun Tan Cheng Lock ah abeisa May 25 ni in mikhat damiah taih cihi.

Damiah taih athuakpa pen Bangladesh gammi kum 22 aphakhin Badrus Sholeh kicikhat ahihi. Jalan Tun Tan Cheng Lock aom Hari-Hari Fashion Store maiah nitaklam 1:10pm hunpawl in damaih ataih hi a, damiah ataih bekthamlo, liamsak cihi.

Hih damiah ataihnavai hangin Sang Lian Cung pen “Section 394 of the Penal Code” tawh thu akibawl hi a, mawhnadaan lohna in thong kum 20 ciangbang akiattheih banah ciangduai tawh tawsatzong aki thuaksakthei ahihi.

Ahi zongin zanni in Sessions Court tawh thukhenna kinei a, Sang Lian Cung pen thong kum 3 akiatban ah ciangduai tawh tawsat 1 vei thuak kulding hi ci’n Deputy public prosecutor N. Joy Jothi in thupia cihi.

More: USA ah mikhat kithat, athat mi 2 te Kawlgammi kici ~ ZD

Sang Lian Cung in thukhenmang te kiangah mawhnadaan hong nemsak tapeuh in, mailam ah hihbangin ka gamtatnawn mahmahkei dinghi ci’n Leniency ngen himahleh thukhenpa in hihpa pen thuhilhna Lesson piakna in kum 3 leh ciangduai tawh taw satkhat apia veve ahihi.

Ahi zongin athong kiatding kum 3 pen tukum akimat May 25 ni panin kum 3 acindong ki tuattoh sakding cih kiza hi. Sawltak #zomidaily