Malaysia, Rawang vengsung ah Bus tuahsia in mi 20 liam

Malaysia, Rawang vengsung ah Bus tuahsia in mi 20 liam

Malaysia, Rawang geinai anawk North – South Expressway kici lamzikpi tungah Bus golpikhat kilumlet in mi 20 liam cih theStar pan kiza hi. Tua Express Bus pen lamzikpi akidalna Divider nawkkhia in, lam pialkhia a, ki lumletgawp hi.

Passenger aliam mi 20 bang pha a, tualak ah mi 9 tepen nakliam phadiak uhhi.

Sunday (November 05) zingsanglam 4:52am hunpawl in hih tuahsiatna aom ciangin hongki zasak hi ci’n Selangor Fire and Rescue Department assistant director (operations) Mohd Sani Harul in genkhia hi.

Firefighters te’nzong aki zaksak ciangin aphual ah delhpah uh a, Accident panin atuahsia aliam honkhatpen Ambulance tawh Sungai Buloh Hospital ah ki puakpah uhhi.

Hulu Selangor OCPD Supt Lim Bak Phai in agenkhiatna ah Bus Driver pa ii hawlkhialh “Lost Control” hiding in ki ummawh hi ci a, lamzikpi adalna Divider aphutkhak khitciangin alanglam ah alengkhia cihi.

Lamzikpi panin alenkhiat khitciangin hawkguam sungkhak ah kiasuk in, ki lumletlian hi.

Hih Express Bus pen Sungai Petani panin Kuala Lumpur zuanin atai laitak hi a, tuapan in Kuantan lam zuanin ataisuakding cihkawmkal ah atuahsia ahihi. Hih Express Bus sungah Passenger akigawm in mi 24 atuangkhawm uh hi a, tualak ah numei 8 leh naupang 2 zong kihel uhhi.

Mawtaw atuahsiat laitak in Passenger avek dekphial un a ihmut laitak uh cihi. Bus Driver papen abeisa in bangmah nawngkaina omngei nailo, Traffic Offences bangmah kimulo cihi. Ahi zongin tua Express Bus pen abeisa 2012 kum akipan 19 veibang Traffic Offences omngeikhin in ki ciamteh hi.

More: Tedim – Kawlpi kikal Accident, Tuisau khuami 1 si & Zogam News

Police Officers te’n Bus Driver leh ahuh Co-driver te anih un azun sitding, Urine Test bawlding uh a, khamtheih guihtheih azanghiam, zukhamsa in ahawlkha uhhiam cih hoihtak sitcianding uh cih kiza hi. Sawltak #zomidaily