Putek te’ khutsung pan bangci suakta theiding? (1)

Putek te’ khutsung pan bangci suakta theiding? (1)

Kawl gambup pipi gen dahni. Chin Pyinee pipi gendah ni. Saklam Zomi te ii paizia khat a gina lo/ hoih ngiatlo khat oma, Khangno (tha hat pen) laite ki nawl khin den hi. Biakna/ khuasung/ minam/ beh le phung sung thupi khat ki vaihawm hileh mit limlang bulh vive, Samkang vive, Handset khat na ngawn a ginlam a phawk nawn mello vive in thu deih takin hong gen uh a, anungsang ah huih mahin bei zel hi.

Khangham te pen a panmun uh tua ding mah a hihi. A gen le a gel pen amau vaipuak hi a, asep khiat a hih leh a mau tha in cin nawnlo hi. Nikhat suak masa nangawn lungsim khinkhai theihna ki lamdang thei a hih manin taltak (putek) te’ ngaih sutna kisam mahmah hi. Tua mah bangin a semzo nawnlo a hih lamuh zong a theih dinguh thu pi mahmah hi.

Gam le lei it mahmah uh a, mailam thu dingzong mukhol mahmah in a tuah khak thu u zong kicing mahmah hi. A hi zongin a thatang uh hat nawnlo hi. Khuak tawh kigel hi a,thatang tawh na kisem a hihi. Hih thu pen ii pu te-in thei gige napi ki theih mawh bawl u hi. Gam le lei a ding na kasem nuam citek hang a , bang hang kumpi’n tawl ngakna (Pension) piak khitteh kipan sese ii hiam? Nu’ gil sung pan pension ngahsa a suak om aitam?

Na tha hatlai koi ah mang na hihiam?? Bang dinga na mitin khua amuh nawnloh teh, nasam a kan teh, na khut a lin teh gamlelei aa ding nasem ning ci mawkmawk na hiam? Kei khuak lellal tawh ka ngaihsut zawh loh man hi. Innkuan sungah pa khatin a tate ann huan sak ngam kei leh a pa’ sih mateng ann huan theilo ding hi. Ann huan masak bel hong kang mah ve.

More: ZNC pan ZCD nasepna leh Pu Chin Sian Thang naingangyi sepna tomkim

Pu tek a hih keh pi tek te khat zong ann a huan cil in kang/nawi/minlo teitei ding hi.Pasianin na tha tang hong khek ding khangno tha hat tampi tak hongpia hilhel a,nang bang hangin tuateng nuaitum nuam na hihiam? Kei sangin a pil zaw , a ham zaw , tuah khak thu a cingzaw te’n tel mahmah ding hi u teh.Mun ong kipia kha hile zong , no semta un ii cih theihloh pen bang hang aitam. Bang hang aitam maw? Zop lai ding… Laigelh, Muanpi