Piangthak nungtolh ~ Tdkhen

Piangthak nungtolh ~ Tdkhen

1. Limsuaipa khat in Jesu’ lim suaih sawmin mi tamna mun bazar-ah pai a, Jesu tawh kisu’n a sak tangval khat tusakin, a mai-ah tua tangval lim a suai hi. Tua zawh khakhat pawl ciangin bazar-ah pai leuleu-in, Jesu a lehhekpa Judah Iskariot tawh a kisun khat tusak leuleu in a lim a suaih sawmleh tangvalpa in, “Zan mahin hih bazar mah-ah nong suai khin hilo hiam” a ci hi. Limsuaipa in zong hoih takin encian a, “Tangval, lamdang si cia, zan mahin Jesu su’n-in, tu-in a lehhekpa su’n leuleu” a ci hi.

2. Naupang khat piangthakin a innkuan-un kipak mahmah uh hi. A nu in na a sawl ding simin,”Nang piangthak hibuang hive-cin” ci-in pahtak bawl’phot zawzen hi. A sawtna ciangin a tapa in a nu’ na sawlhat den cimtakin, “Nu kei piangthak nuam nawnlo” a ci ta hi.

3. Tangval khat in a lawmngaih nungak khat phone in hopihin, “Nang kong ngaihdan lamdang hi. Ih kikalah galkap thuap sagih a duty zongin hong dal zo ke’n teh, nitak mahmah ciangin zong guah a zuk keileh kong hawh ding hi” a ci hi.(Galkap thuap sagih sangin guahzu khauhpai zaw hi’nteh).

4. Khatvei thadah khat mittaw kineihin mittawte’ lakah khutdawh ngenin va kihel hi. A ngaihsut zahin meet kisa lo ahihmanin pau theilote meet zaw dingin um a, amau lakah khutdawh a va ngen leuleu hi. A sawt lo-in mittawte’ laka a mu ngei khat in, “Nang mittawte lakah hong mukhin tang, cika pau theilo na hia” a cihleh, amah’n zong, “Za ni-a kipan ka hi hi” ci-in a dawng hi.

5. Tangval khat a lawmte in zu nekpih dingin a zawn uh hi. Amah’n zong, “Zu ka dawn nawn kei hi; ka piangthak zo hi” ci-in anial hi. Ahizongin a lawmte in zol teitei uh a, zu haikhat a tulh uh hi. A mah’n zong ne nuam tuan lo hi. Ahizongin a lawmte in a tulh teitei ciangin a dawn ta hi. Tangvalpa in, “Zu ne nawn keng ci napi-a nong tulh teitei uh khial mahmah uh teh” a cihleh a lawmte in, “Ne nawn keng ci na hihteh bang a cipeuhmah hiam” ci a, ka theihnop man bek uh hi” a ci hi. Tdkhen