Piancit gamsung ah mipi akemding in Police 10,000 ki sawlkhia

Piancit gamsung ah mipi akemding in Police 10,000 ki sawlkhia

Nungsung teng Piancit gamsung ah buaina leh tualthahna apiangkhit dikdek ciangin kumpi thuneite zong patau mahmah uh a, muntuamtuam ah acingkawikawi dingin palik mi 10,000 ki sawlkhia cih BBC News in genkhia hi.

Hih Police tepen adiakdiak in France gamsung aom Jewish School te ah acingding, Security dingin aki sawlkhia ahihi.

France Defence Minister Jean-Yves Le Drian in agenkhiatna ah Tuesday ni nitaklam akipan hih Security Police tepen nasep kipan tading uh cihi.

Hihbang in Security dingin Police Force alom atang in akizatpen tutung a akhatveina mah hipah hi.

Nungkal sungah France gamsung Paris khuapi ah mi 17 in thahlupna thuak uhhi. Police te akipan Supermarket ah aomkha mipi tampi in asihlawhziau uh ahihi.

Hihbang in tualthahna aom ciangin mipi te lungso mahmah uh a, nung Sunday ni inzong khuasung lamzikpi tungah mipi 3.7 Million bangin ki pumkhatna lakkhia uhhi. Paris khuasung bekbek ahzong mipi 1.5 Million bangpha hi.

Interior Minister Bernard Cazaneuve in agenkhiatna ah Security Force pan mi 5000 peuhmah France gamsung aom Jewish School te acingkem dingin ki sawlkhiading cihi. France gamsung ah Jewish School bekbek pen 717 bang om cihi. Tuamun te ah migilo te’n abawlsiatding kumpi thuneite patau mahmah uhhi. ZD Sawltak

(Kawlgam ah ih Police te’n mipi phengkaplup mengmeng khong uh a, gamdang ahlah Police te’n amipi te uh itmahmah, kembit nuam mahmah uh)