USA, Maryland pan Pi Tun Za Cing (Limkhai, Hatzaw) in hongnusia

USA, Maryland pan Pi Tun Za Cing (Limkhai, Hatzaw) in hongnusia

Mangpha Pi Tun Za Cing (Kum 73) Hatzaw Beh – Limkhai khuami Washington D.C Area, Maryland State, Frederick khua aa ateng Pi Tun Za Cing in abeisa August 27,2020 in Cancer natna tawh hongnusia chih thu izak man in ZIUSA kipawlna mintawh dahpihna i pulak hi.

Pi Cing pen Zomite kipawl khopna Zomi Innkuan Washington D.C Area ah member khat leh ZIUSA Genvai member onglut thukhun pom ni 1/31/2016 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.

Pi Cing luanghawm tawh anunungpen hunzatkhop ding hong tungding Monday August 31,2020 11:00am in (SBMC) makaih na tawh (Resthaven Memorial Garden) 9501 Catoction Mountain Hwy, Frederick ,MD 21701 ah hunbawlna neihkhit ciang in han ah vui na ki nei ding hi.

Pi Cing hong nusiatna hanga adahakap alungleng khuangai Innkuan pih tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)

ZIDCA pan Sih kohna leh dahpihna: Pi Tun Za Cing (Kum 73) in hong nusia

Washington D.C Area, Maryland State, Frederick khua aa ateeng Pi Tun Za Cing (Pi Cing) (Khualui-Limkhai Khuasuak) (Kum 73), in tu sun nai 12:00PM kiim in ateenna inn pan pancreatic cancer natna tawh hong nusia ahih manin Zomi Innkuan D.C Area (ZIDCA) pan nakpi takin kidahpih mahmah hi.

Pi Cing pen 2015 kum sungin Malaysia tungtawn in US hong tung hi aa, Sizang Burmese Mission Church (SBMC) ii full member khat ahi hi. Pi Cing pen ZIDCA ii full member bek thamlo in US gam sung Zomite kipawlna ahi Zomi Innkuan USA, Genvai ah zong full member khat ahi hi.

More: Ka tapa neupen pianna thu ~ Lengtong Pauno

Pi Cing ii luanghawm tawh kisai hun geelna te Innkuan thu neite leh Pawlpi lam pan ahun zui in hong kizasak to to ding hi. Topan adah akap khempeuh hong hehnem ta hen. Dahna lianpi tawh, Zomi Innkuan Washington D.C Area (ZIDCA) Ref: Rev. Cin Do Thawng (SBMC) & Pu Ngocinthawng Suantak