Phone thukham nam 10 ~ Dr. Kaipi

Phone thukham nam 10 ~ Dr. Kaipi

1. Nang hang in na gei na paam a khat peuhpeuh nawngkai sak kei in. (Aung lawlaw, pau baba, gin ngiah lua kei in)

2. Mi khat na hopih ding ciang in na hopih ding pa/nu hun ngah leh ngahloh dong masa in. ( Na phone set pen 2-3vei ging na pi ong dawn pak kei leh na phone khia kik phot in, a den lam ciang dam in set kik lel in)

3. Ahih theih leh phone ki ho pen tom,kim,cing leh hoih pen hi. Hun tomno sung in a kicing in na hopih theih leh mi a huh hipah hi teh.

4. Vai thupi lua mahmah ahih kei leh nitak lup hun, zan ihmut hun leh sun nasep buai mahmah hun in phone sam kei zaw in. (Lai tawh message nusiat lel in)

5. Vai thupi lua mahmah ahih kei leh cimphawng phone kiho na tawh na hun beisak kei in.( Na sum bei, na hun bei, na innkuanpih te nawngkai sak, na thu ngaihsut hun ding ong tawmtuam sak hi)

6. Kikhopna, omkhopna khat peuhpeuh ah na pai ciang na phone silent sak ding mangngilh kei in. (Nang phone ging dangdang den in mite lungsim nawngkai sak hi)

7. A hih theih leh lampai lai, mawtaw or saikel hawl lai, an huan meh huan lai, lengla do laitak etc., te ah phone hopih kei zaw in. ( Nang leh na hopih pen ading hoihlo thei hi)

8. Mundang dang te ah na kamsiam kei zong in, phone sungah kamkhum mahmah lel in.

9. Na phone sung a missed call a om khempeuh sapkik theih sawm hamtang in.

10. Mikhat peuhpeuh phone na set a ong dawn pak kei leh a kiphasak hi ci ziau kha kei in. A za pak lo leh a manlah lua pak hi thei hi. Lungdam, Kippi’pa