Phalbi le Sakuhte ~ Nk Khanno

Phalbi le Sakuhte ~ Nk Khanno

Kum dang tawh kibanglo in tutung phalbi pen votlua mahmah hi. Khuavot thuak zolo in ganhing pawlkhatte a si ngeingai uhi. Tua hi a, khua dam luatna hangin ganhing dangte bangin a sih loh nading un Sakuh te hong kikum khawm ngeingai uhi.

Sakuhte in khuavot a do na’ng un kihon khat in kimat tittet in hong om zihziah uhi. Ahi zongin a lingte uh tawh khat le khat kisun kha in a liam lawh ngeingai uhi. Tua a liammate uh na salua uh ahih manin, hong kikhen ngeingai uhi. Pawlkhatte akihal, a kigamla zaw deuh in om uh a, pawlkhatte khat guak in a om kawikawi lel uhi.

Ahi zongin khua damlua ahih manin hong si lawh uhi. Khat guak aa a omte bang khalcip uhi. Hi bang thu a tuah uh ciangun a nungta lai teng kigawmkik dingin hong kithawi ngeingai leuleu uhi. A lingte uh tawh khat le khat kisun kha ngeingai mah ta le uh, thuak teta uha, leitung pan a cii ma’ng ganhing ahih loh nading un hong hanciam uhi.

Amau te in akimat tit-tet na/kizopna hangun a ngah uh liamma te sangin khualum pen amau nuntakna aading kisam zaw ahih lam thei uhi. A liammate uh ki theihmawh bawl in khualum thupi sak zaw uhi. Hi bang tawh amaute hong nungta to uhi.

Leitung ah ahoih pen kinaina/kizopna (relationship) icih in khat le khat kicing sak sitset cih hizaw lo in, khat le khat kicinlohna te tawh nungta to khawm in khat le khat i hoihnate thupitsak na ahi zaw hi.

Tua hi a, nupa kal, tangval le nungak kikal, sanggam khat le khat, lawmta kikal kizopna/kinaina (relationship) te ah khat le khat kicinlohnate kitheih siam in khat le khat hoihna le siamnate ah ki thupit sim leng tua kizopna khantul thei pan ding ahi hi. Lai-at; Nk Khanno (Zingsol) Src; Inspirational stories; Life is short