Peter Khampu pianna Nu in hongnusia

Sih kohna ~ Peter Khampu pianna Nu in hongnusia

Denmahmah in Kawlpi pan Peter Khampu pianna tunnu in hongnusia cih Pu Khawm Pau tungpan ih zakkhak manin ihdah mahmah hi.

Hongnusia pen Nu Niang Khaw Ciin hi a, Peter Khampu (CMedia Kalay) ii pianna tunnu tektek ahihi. Hong nusiakhin Dr. Cin Do Kham ii upinu zong ahihi. Hongnusia Dr. Do Kham tungtang ah khitui naptui nulzong kamnai loding a, tu’n Nu Niang Khaw Ciin in hong nutsiat ihzak leuleu ciangin anutsiat meltheih tanau te adingin in ih khasiatpih mahmah hi.

Nu Niang Khaw Ciin in 25 July 2014, nitak 7:30pm hunpawl in Kalay Hospital pan hongnusia hi a, sihvui hunbawl vaiding bangmah theihcianna omnailo hi.

Peter Khampu pen atheihlo omding in ka umkei hi. Dr. Do Kham tupa khat ahih banah amah ngiatzong Online tungtawn in Zomi te theihding Kawlpi leh Kawlgam thuthang tuamtuamte hongpuakden khat ahihi.

Anu hong nutsiatna hangin Peter Khampu in thanemna in aneihlohding ih lunggulh hi. Anutsiat a innkuanpih te leh sanggam ulenau, meltheih tanau te adingin thungetna ah phawkciatni cih kong hanthawn uhhi. ZD Sawltak