Malaysia, Penang ah alu leh agilzang teng aomlo misiluang khat kimukhia

Malaysia, Penang ah alu leh agilzang teng aomlo misiluang khat kimukhia

Malaysia, Penang ah misi luangkhat kimu a, tua misi pen alu omlo (a ngawng ki tankhia) in, asungkua agilzang tengzong omlo cimawk hi. Penang, Bukit Tengah, Lorong Perindustrian Bukit Minyak 19 vengsung aom nin kipaihna, hawkguam sungpanin hih misi luanghawm aki mukhia ahihi.

Tua misi pen alu aomloh banah agilsung Organ tengleh agilzang teng omlo ci a, ngimna khattawh aki bawlsia ngiat hiding in ki ummawh cihi.

Hih misiluang pen pasal kum 20 gualpawl khatin amuhkhiat ahihi. Nitaklam 6:30pm hunpawl in tua geinai ah anawkkhak laitak in agimnamsia mahmahkaht zakha ahih manin, a etleh hih misi luanghawmpen amukhia ahihi.

Amasa in hih misi pen ganhing khatpeuh asi hiding in ka tuat hi. Ahi zongin ageinai ah na nehphei ciangin hawkguam sungah alu aomlo mihing luanghawm khat na ommawk hi. Keizong patau mahmah in amanlang in palik te ka zasak pahhi ci’n tuapa in genkhia hi.

Video: Decomposing body of man with head, internal organs missing discovered in Penang

Police te’n banghangin hihpa pen hihbangliang in ki bawlsiagawp cihpen gencian theihna omnailo hi. Ahi zongin alu aki tankhiat sakzia leh agilsung Organs te aki kheikhiat sakzia pen mithat mawkmawk hilo, mithatsiam Professional Killer te ii thahlup hiding hi ci’n genkhia uhhi.

Tua misi luanghawm pen Seberang Jaya Hospital ah sicianna Postmortem neiding in kipuak hi.

More: USA, Texas kumthak pawibawl nading munah thau honkhattawh mikhat kiman

Seberang Perai Tengah district police chief ACP Nik Ros Azhan Nik Abdul Hamid inzong agenna ah hih thupiang pen atakpimah hi a, Police te’nzong zato panin Autopsy Report aki ngaklaitak hi ci’n genkhia cih kiza hi. Sawltak #zomidaily