Penang ah RM4.5 Million manneiding Game kimawlna ki susia

Penang ah RM4.5 Million manneiding Game kimawlna ki susia

Malaysia, Penang State sungah kumpi thunei te’n Game kimawlna panin amatsak “Gambling Machine” Computer set bekbek akigawm in 3197 suksiatna nei uh cih NST pan kiza hi. Tuabangin aki susia Gambling Machine 3197 te ii amanzah akituat ciangin RM4.5 Million bang manneiding ciliang uhhi.

Op Dadu Operations cih minvawh in Penang State sung muntuamtuam ah Online Game kimawlte ahunhun in amatkhiat uh ahihi. Hih aki suksiatsak Computer Gambling Machine tepen 2015 panin 2017 kumsung akikhol, akikemcipteng hi a, tuateng kumpi thunei te’n suksiatna anei uh ahihi.

Hihvaitawh kisai in palik thunei ahi State police chief Datuk A. Thaiveegan in agenkhiatna ah hih akimankhia Computer kimawlna vantuamtuam tepen mun 514 Premises panin akimankhia hi. Aki matkhiatna munzongpen Penang State sungaom District 5 panin akimankhia ahihi ci’n genkhia hi.

Computer Game kimawlna asetvan te banah Game akimawl ami mahmah Gambler, asai nei Premises Owner leh avaihawm Organisers cihbangin mi akigawm in 988 zong kimankhia cihi. Sumngiat inzong Rm151,041 kimankhia theihi.

Tuabek thamlo, hihvai tawh kizom in thukhenzum Court ah thu akibawl pen 307 Case bang phahi.

Video: Police have destroyed 3,197 gambling machines worth RM4.5 million that were seized during the Op Dadu operations in the state between 2015 and last year.

Tua aki susia Game kimawlna vante lakah Computer, Laptop, Jackpot Machine, Simulator Machine cihbang setvan te kihel hi.

Game kimawl ukluatna hangin sumlepaai deihluatna piangsak in, tuapanin sumdeihluatna tawh gitloh gamtatna “Criminal Activities” cihte apiangsak toto ahihi. Game kimawlna panin asumneih khempeuh abeisak khatpen sum angah kiktheih nadingin damiah ataihkik cihbang omthei hi ci’n Police Chief in gencianna neikhia hi.

More: Dailen laitak nailangval Game akimawl pasal khat agilzang pusuakkhia

Malaysia gamsung aom Zomi te sungah kidopding: Game sai ah nasep khasum ahoih mahmah phialzongin sep huai khollo hi. Kimat kihen tamin, kitot kinialna leh migilo damiah cihtezong tamphadiak in, buaina kizom totoden theihi. Sawltak #zomidaily