Passport Renew dan ~ Sia Pauno

Passport Renew dan ~ Sia Pauno

Tuni Leitung ah mihing khat dingin Pasian in poimawhsa a hong piansak ni, Tuni Aug.25 ni in thuhoih khatpeuh bawl ding ka lungsim ah hong suak a, nung a Passport Renew ka bawl a, ka tuahkhak thute a a phatuampih khat peuh aomtheih leh ci in hong hawm sawn ing.

Yangon Passport Zumpi ah Passport Renew ciang midang (Puaisa) cialin sum tampipi kibei thei hi. Ei le ei bawl ziau leng haksatna omlo in nai 3 sung khawngin kimanzo mahmah hi. Mi I cial hangin eilo tawh vaiveng theituanlo a, thapaih kul veve hi. Atheilote a ding pattuam ngaihna tawh kei bawlna pan a tuahkhak, a danteng hong hawmsawm ing.

1 na :: Passport zumpi ah va kigual in abanban a lut ding. Tua na lutna ah Security Check om ding

2 na :: Passport Renew-na ding ngetna Form lutsutna gei sabuai ah la in kimthak fill up ding

3 na :: Na Passport lui leh na NRC(matpongtin) copy bawl ding, copy bawlna pen a sungah om pah. Va pai le cin amau a kisapna ding mun teng hong copy sak pah ding. Ks. 1000/- hong la ding.

4 na :: Na Passport original le copy, na NRC (matpongtin) original le copy leh na Passport Renew-na ding ngetna form na fill-up teng limtak tuap in tawi inla Counter mi kigualhna ah kigualh ma in agei a Security-te khatpeuh dong masa ding .(dong masa lo mi kigualhna counter-te ah kigual le cin sawtpi nangak khit nang hun hong tun teh, CHIN-te hualam a Custom Officer pa kiang pan approve na vala phot un, hong kici ding)

5 na :: Security-te khat peuh dong masa le cin NRC (matpongtin) hong etsak dingin minam mun ah CHIN a kigelh leh,” CHIN-te hua Immigration Officer zum ah va kilak masa un,” hong ci ding.

6 na :: Tua Immigration Officer pa kiangah na form teng va lak le ci’n, na NRC (matpongtin) limtak hong encian ding. Paubanna hong muh kei leh na form approve hong bawsak ding. (Kei bang ka thangpai aih cianga, Officer-pa in ka form teng hong etsak in hong passed khit teh, Officer pa aw, thu khat kong dong thei dia, ka cih leh hong dong thei mah teh, bang thu hiam ? hong ci. Kei zong, Bang hangin ka NRC (matpongtin) ah CHIN kigelh manin kei hi munah hong kipaisak se a, nam dangte kipaisaklo hiam ? CHIN zong KAWL GAMMI mah hilo hiam? , ka cih leh, “Aw, alamdang in na ngaihsun ken, CHIN-te NRC(matpongtin) & Passport a dang tawh kibang tamlua aih ciang a, tua etcianna kibawl hi,” hong cih kawm in ka bawldan ding, ka paina ding counter teng limtak hong hilh in manbaih tuam zizen ing).

7 na :: Tua Officer kiang pan special approve na ngahkhit ciangin mi(pongman) kigualhna Counter-te ah kigual ding, Officer khat mah in na form teng hong encian ding, sum Ks. 2000/- hong piasak in Slip(laidalno) khat hong pia ding.

8 na :: Tua hong kipia Slip(laidalno) tawh den a, na NRC (matpongtin) a, CHIN a kigelh man a special approve na lakna Officer-pa kiang mah ah paikik ding, na slip tung ah sign hong thuhsak ding.

9 na :: Tua Officer-pa signature aom na Slip(laidalno) leh n alai dang teng limtak thuap in tawikawmsa in Innpi sungah lut ding. Kong ah Security-te na form hong etsak ding.

10na :: Tua innpi ah Customer Check counter khat ah kigual leuleu ding. Tuateng ah Customte in na form teng limtak hong etcian sak kik dingin approve hong bawlsak ding.

11 na :: Tua Cumstomte approve-na nangah khitciangin a kiang kumpi bank ah sum Ks. 25000/- pia ding. Sum na piakna Slip(Laidalno) hong pia ding uh.

12 na :: Na Form teng leh na Slip(laidalno) teng khempeuh tawh Man kizaihna Counter ah kigual leuleu ding. Na form teng, na Slip teng tua mun ah ap ding. Man hong zaih ding uh. Ks. 5000/- hong la ding. Ni 10 khit teh na Passport na thoh kikna ding Slip (laidal no) khat hong pia leuleu ding. Tua na Slip (laidal no) tawh ni 10 a cin ciang va thoh kik ding,

Sumbeina:

• 1. 3na, Xerox copy bawl man Ks. 1000/-
• 2. 7na, Slip lakna Ks. 2000/-
• 3. 11na. Kumpi bank ah Ks. 25,000/-
• 4. 12na. Passport kizaihna Ks. 5000/-
• Vekpi gawm sumbei Ks. 33,000/-