Pasian that te (Deicide) ~ Suangh Dal

Pasian that te (Deicide) ~ Suangh Dal

Bang pan hong kimaisak? Mawhna pan. Hong kimaisak ding a kul khempeuh lak pan maisak ding thubul pi pen mawhna pan cimak zen le’ng tua mawhna thu ah i kitel mahmah kul ding hi.

Topa Jesuh Singlamteh tung a tun thu khat in mihing’ mawhna hang ahi hi. Singlamteh in mimawh ihihna hong pholak gige ahi hi.

1. Adam in tua singgah a nekna tawh amah le amah sih nading vaihawm ahih manin a kigui awk tawh a kibang ahi hi. It is a form of suicide.

2. Cain in a sanggampa hong that hi. It is a form of fratricide.

3. Topa Jesuh Singlamteh tungah a that pen Cain te Adam te tua Adam’ suan mihing nam nang le kei bang mite mah ihi hi. It is a form of deicide.

• Eimau sih nading a vaihawmte – (Suicide)
• Mihing le mihing mah a kithatte sanggam unau khat ngawng kizongte – (fratricide)
• Leitung hon dinga hong pai Pa a that lumte – (deicide)

Topa’ ziat le vei-a guta misuam kikhai nihte bek mimawh hi loin eite zong Pasian’ muhna ah amau mah abang lian ih hi. Topa’ ziatlam-a misuampa bek a cimawh hi loin nang le kei zong tua pa bang lian-in a cimawh te ihih lam kiphawkna pen mawhnei mi za ah za kiphawk cihna hi.

Pasian na ngawn Singlamteh ah ih khailup laitakin Topa in mawhmaina ong nget sak lai hi – “Amaute in bang hih uh cih thei lo ahih manin a mawhna na mai sak in” – Father forgive them; for they know not what they do. Luke 23:34.

Topa Jesuh aw bang hih ka hi uh hiam cih a thei lo kote ka mawhna uh a mai nadingin nong thum sak lungdam lua ung ei Topa… Evan. Suangh Dal