Pasian’ deihna ihci tateu zongin ~ Pu Thangboi

Pasian’ deihna ihci tateu zongin ~ Pu Thangboi

Tulai pulnatna hang in ih it ih ngaih tampi in hong nusia hi. “Pasian’ deihna himai tave” cih tawh ih kihehnem mai hi.

Mihing’ Dinmun

Pasian’ piansak na khempeuh ah mihing pen atuam vilvel ahi hi. Adangteng pen “Piang hen” acih ziau himah hi. Mihing leuleu pen tuacih ziau hetlo a tungman tawh abawl ngiat ahi hi. Akam sung ah ama’ hu amop ngiat hilai hi. LST in mihing pen Pasian in “Ama’ Lim leh Mel sun in bawl hi” cingiat Lai hi

Pasian’ Lim leh Mel sun a kibawl mihing ahih man in Pasian’ itna zong liandeuh a, a tapa Khat bek apiak dong a it pah hi. Mihing’ manphatna sang mahmah hi.

Set Hilo

Mihing pen Pasian in set (machine) dan a abawl Hilo hi. Set hileh Bel akibawl Dan Lian in om in gamta ding hi. Pasian’ Lim leh Mel sun a kibawl ahih man in ngaihsut tawm theihna, teel theihna, leh thukawng hei theihna nei hi.

Cinat Lunat Vai Ah

Pasian’ Lim leh Mel sun a kibawl mihingte in na tampi Hong bawlkhia thei pah hi. Zatui Nam tuamtuam zong hong bawlthei hi. Tutung pul natna angah mi tampi mihing’ bawlsa zatui zaha leh set van tuamtuamte hang in sihna tawh kipelh hi

Pasian’ Deihna Koi Hizaw?

Ih ci ih lu anat ciang in “Pasian’ deihna bang bang hita hen” ci in kibawl selo in gum thuak lel in sih akul leh silel ding maw ? Aih kei leh hoihtak zatui zaha tawh kibawl in cidamna ding hanciam pen Pasian’ deihna hizaw ding maw ?

Pasian’ Biakinnpi

Zeisu Khazih Gumpa leh honpa a asangkhat ading in ih pumpi pen “KST tenna Biakinnpi” ahi hi. Guihtheih khamtheih zatloh pen tua Biakinnpi siansakna in ih ngaihsun hi. Gamtat kampau kidopna zong Biakinnpi dopna mah in ih ngaihsun hi. Tua ahih leh pumpi cidamna ding nasepna, vaihawmna, leh hanciamnate zong Biakinnpi kepcingna mah Hilo ding ahiam kaci hi

Paunak 4:23 in “Na lungsim ngaihsutnate in nuntakna nak hi a, na neihsa a manphapen bangin na kep ding ahi hi.” .cimawk hi.

More: Saul leh David tawh tulai Kawlgam kinmun etka ~ Pu Thangboi

Ih cidam ding, ih lawhcin ding leh ih khansau ding pen Pasian in hong deihsak mahmah in ka um hi. Hih Lai Nasim Kawmkawm in Cidamna leh Khansauna Thupha nangah ngiat ta in. Mung Laan Thang (Tonzang, Zogam)