Pakistan ah Bomb puaktam, mi 10 si, 30 liam

Pakistan ah Bomb puaktam, mi 10 si, 30 liam

Pakistan gamsung Northwestern Tribal Region lamah Sunday ni in vankizuakna Bazaar khatpan mipi tammahmah laitak Bomb puaktam ahih manin mi 10 sipah a, aliam zong mi 30 valpha cih AFP News in pulak khiahi. Hihmun Shiite mite tamdiakna munkhatzong ahihi.

Bomb puahkhapna munpen Parachinar aom Eidgah Market pan hi a, hihmun pen Kurram Tribal District te ii khuapi Capital zong ahihi.

Senior Police Official khatin agenkhiatna ah asi mi 10 pha a, aliam zong 30 val phahi. Asi zong ki behlap theilai khading hi. Bomb zongte inzong amun ah etcianna nei uh a, ahang kanlaitak uhhi ci’n genkhia hi.

Aliam abaai teng akipuakna District Headquarters Hospital panin Doctor khatin AFP te tungah agenkhiatna ah aliam tepen limliamthei mahmah uh ahih manin, asi pen ki behlap totothei khading hi cihi.

Hih Bomb asukham kua cih tudong apulak khia omlian nailo a, ahi zongin hih kuamsungteng ah Sunni leh Shiite te abuai theiden uh ahihi. ZD Sawltak #zomidaily