Pa Zam Suan Pau in Tedim (Leilum) pan hong nusia

Pastor Hau Suan Khai (Hau Khaipu) USA i apa Pa Zam Suan Pau in Tedim (Leilum) pan hong nusia

Dear, It Nau Khai, Mungpi, Mangpi, Haunem, lun leh innkuan pih khempeuh

Ih it mahmah uh leh na leitung pianna Zua pa in ngaihsutlo hun laitak omna kibanglo tuipi tuita in hong hal in lei mong khat leh khat kikaal ah, van asiam pa kiang hong ciahsan vat cih thu ih zak uh ciang’ in no sanggam khat unau tengin lamdang nasak uh mah bangin ko leitung kinaina unau phung khat (beh khat) sungah ih pa hangin no teng tawh kibang in ko na u te innkuan in zong nakpi kadah nathu uh kong theihsak uh hi.

Leitung ih pianna ih pasian ahi Zua pa tawh leimong gal khat pan tong nakisan nunung pen hun’ aa natung uh ah lungdam akona thu leh ph sung pan thu hong vaikhak na leh thupha hong piak nate nagen simsial in, ih pa zong ait avon tawi 4tak te leitung gamsang pen dong ah gual tawh tan bang kim ding dinmun atunsak na leh ahanciam nate tungah, Topa hang lungkim tak in mi hampha kisa veve ding ahih man leh nang leh ih nau te teng zong mi hampha dinmun hong tun ahih manin, asiam pa van Pasian kiangah atawl dam nading mun tawntung inn lam zuan leh Zeisu tawh amang khawm dingin leitung ah gualzawhna tawh aciah ahih manin, ih kilungnopsak ciat ding uh hong suak cih hong gen nuam ingh.

Ih pa hong nusiat vat nahang leh omna mun kibatlona hang’ ahih zong aphual Tedim khua pan leh mun tuamtuam aa om unau sanggam, hiang leh san akua mah peuh te kihehnemzolo aa lungzuan khuangaih na hang’ ada akap teng i aluang luankhite Hehnem siampa Van khasiangtho in hong nul sak henla ada akap mikhat ciat te tungah lungtai khamuanna thupha te hong tungsak den ta hen! Amen. Pa Mangpha, Mangpha, Mangpha

Na U (Bawinu pa) te innkuan
Dallas/ Fort Worth, TX
USA