USA, Texas pan Pa Thawng Deih Sian (Laitui, Gualnam) in hongnusia

USA, Texas pan Pa Thawng Deih Sian (Laitui, Gualnam) in hongnusia

Mangpha Pa Thawng Deih Sian (Kum 50) Gualnam Beh – Laitui khuami Houston, TX USA aa ateng Pa Thawng Deih Sian in abeisa July 5, 2022 in Motor sung ah ih musuak in hongnusia cih thu izakman in ZIUSA kipawlna mintawh dahpihna ipulak hi.

Pa Sian pen Zomi Innkuan Houston ah member khat leh ZIUSA Genvai member pom ni 7/31/2016 pan active member khat ahih manin thumeilet/policy zuiin (100%) Death Benefit $15000 kipiakhia aa paakkual $150 man khat tawh zong mangpha khakna kinei hi.

Pa Sian luanghawm tawh anunung pen hunzatkhop ding hong tung ding Thursday July 14, 2022 12:00pm in (AZMC) Pawlpi makaihna tawh, Funeral Service bawl khit ciang, Rev. Lian Za Huam in han ah vuina nei ding hi.

More: Laitui Zato dailenbuk adum tawhding mangngilh cihvai gencianna

Pa Sian hong nusiatna hang adahakap alungleng khuangai tanau meltheih khempeuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Zomi Innkuan USA, Inc.)