Pa aw-khum za ngeilo Tapa

Tangval khat gamdang tung hi. A pianna Pa in hih bangin lai hongkhak
hi. A laikhak pen a thupilua leh a heh huai thu hilo hi. A hi zongin a
simdan tuamtuam tawh na sim hi. A laikhak in~

Ka ta aw..
Na dam hiam? Inn lam om teng zong damkim buang ung.
Sum nong khak uh zong ngah ung. Ahi zongin vangil ki suah thei
mahmahlo ahih manin bei pahpah hi. Malam ah sum nong khak kik ciangin
van gil khat beek ka suahzawh nangun a tamdeuh hong khak in. Tua zah
ciphot ni. Thu hong ngetsak den ung. Damni.

Lai at na Pa.
A tapa in a Pa laikhak pen a sim sungin a innvuah a Pa aw ding dan
vive in sim ahih manin lungkim theilo hi. A pa in aw-nem leh aw-khum
zangh ngei mahmahlo ahih manin laikhak simta leh aw-khauh vive in
simsim den hi. Mi dang tungah kamkhum dakdak in Tate tungah aw-nem a
zangh nuamlo Pa pi ki phasak peuh om thei hi.

Pa te aw…na tate uh tawh na om khop lai in Aw-nem na zangh kha ngei
hiam? Na tate manggilh theihloh ding Aw..na zangh kha ngei hiam? Na
kampanin a pusuah Aw..pen na taten a sih dongun a Bil uh ah tham den
hi. Ih aw-zat bang namte hiam? Thupha aw hiam?