Oklahoma City pan akibawlkhia Aksa sungah asianglo om ahih manin Recall kibawl

Oklahoma City pan akibawlkhia Aksa sungah asianglo om ahih manin Recall kibawl

USA, Oklahoma City sung aom OK Food, Inc. panin aki bawlkhia Aksa “Breaded Chicken Products” tepen asungah nekding ahoihlo vanpawlkhat akihelkha om ahih manin abawlkhia Company in sapkikna “Recall Products” bawl uh cih USDA (United States Department of Agriculture) pan kiza a, Fox News te’nzong genkhia uhhi.

Abawlkhia Company ahi OK Food, Inc., in sapkikna abawl Breaded Chicken bekbek avekpi in akigawm 933,272 Pounds bang phading cihi. Hih Aksa te sungah Metal namkhat akihelkha om kici a, nekding in siangtholo hi ci’n U.S. Department of Agriculture’s Food Safety and Inspection Service (FSIS) te’n genkhia uhhi.

Hihvai pen USDA te’n a website uhah “OK Food Inc. Recalls Breaded Chicken Products Due To Possible Foreign Matter Contamination” cih thulu tawh 23 March 2017 ni inzong tangkona neikhia uh a, Health Risk pen High in koih uhhi.

Breaded Chicken akici Aksa tepen Ready-to-eat (RTE) in akibawl ahihi. Company panin aki bawlkhiat hunpen 19 December 2016 panin 07 March 2017 kikal sungin akibawl hi a, “Save A Lot” leh “WalMart’s Great Value” cihbangdan in Brands tuamtuam tawhzong ki hawmkhia cihi.

Oklahoma City panin aki bawlkhiat khitciangin US gambup muntuamtuam ah zuakding in kipuak kawikawikhin ahih manin State tuamtuam ah tungkawikawi khading hi.

Hih bangdan in Recall asapkikna uhpen abawlkhia OK Foods Inc. te kiangah Complaints 5 veibang akibawlkhit ciangin FSIS Inspection Personnel te’n sitcian kikna nei uh cihi. Tuabang in aki sitciankik ciangin Breaded Chickens te sungah Metal Objects namkhat kimu cihi.

OK Foods Inc. te genkhiatna ah tuabangin Complaints akibawl, Metal namkhat kihel akici tepen hih Breaded Chicken akibawlna ah akizang Metal Conveyor Belting panin athemneng akia te kihelkha hiding cimawk uhhi.

Tua ahih manin OK Foods Inc. panin akibawlkhia Breaded Chicken te nane kei un ci’n aki tangkokhia ahihi. Aleikha te’nzong naleina uhah apkik unla, asum ngetkik theihding inzong ki vaihawm theiding hi.

More: Little Tikes naupangluai zat huailo ci’n abawlkhia Company te’n Recall bawl

US gamsung State tuamtuam aom Zomi te leh, adiakdiak in Oklahoma City sung aom Zomi te naki hilhsawn un. ZD Sawltak #zomidaily