THUZAKSAKNA 3na
Nu Piang Ngaih Don, 24, Tawh Kisai
1. Sanggamnu Piang Ngaih Don luanghawm a sanggampa Sia Pau Sian Mung in 12 Aug 2016 Friday niin Singapore General Hospital ah va pham hi. Hih hun sun 11am ah Zomi makai Pa Hang Khan Lian, Pa Khup Khawm Mung, Pa Pau Khan Khup, Pa Khup Lian Thang te makaihna tawh Zomi mimal 20 kiim in va uap thei uh hi.
2. A luang pen hankuang sungah a kisial ma in Zopuan silhsak in Zomi ngeina bangin hoihtak in kizem a, a mel zong hoih in a mipihte zem khit ciang hong maitai siuseu hi. A puan silh ding hong pia Lia Vung Khawm Kim, Lamzang hi.
3. Lia Nuam Deih Huai, Zangzawl khua in i Topa Zeisu hunlai a meigongnu sumpi khiatzah a mipih Nu Piang Ngaih Don galna in pia hi. Ama kha 1 khasum $500 pia khin hi. Lia Huai pen Singapore a tun zawh sawtnailo a, khawl ni day off zong a ngah nailo khat hi. I Topa Zeisu in mu gige ding cileng…
4. Myanmar Embassy ah:Pa Pau Sian Mung, Pa Hang Khan Lian, Pa Khup Khawm Mung leh Tg. Khaitawng te Myanmar Embassy pan in Deputy Chief of Mission Thet Tun, Counsellor Htwe Htike Tin Lwin, Liberty Insurance pan CEO Mr Chang Sucheng, Centre for Domestic Employees pan Executive Director Ms Phyllis Lim, HOME pan Tin Maung Win te tawh kimu thei in a luang puakna ding $7000, dahpihna $500 sumtang in Liberty insurance pan in hong pia uh hi. Tua ban ah insurance in a cover loh hang in Tg. Mung Lam Tuang (Piang Don’ tapa) mailam a ding in $40000 zong Liberty Insurance in piak ding khensatna sa om khin hi. CDE pan in zong tha nakpi tak hong pia uh hi.
5. 12 Aug 2016 Friday zan Singapore ading Zomi Innpi ahi Pa Hang Khan Lian inn ah tutpihna nunung anuai a bangin kinei hi.
NU PIANG NGAIH DON LUANG SINGAPORE ZOMITE TUTPIHNA
HunzeeknaHun uk: Dr. Ha Za Cin, President ZISHun apna thungen: Sianu Cing Lam CiinInntekte pulakna simkhiatna: Pa Khup Lian Thang, ZIS Thuvanpi huhInntek thugenna: Sia Pau Sian Mung, PND uA sih pan a luang lak dong thuzaksakna: Pa Hang Khan Lian, Tg. Khai Tawng,
ZIS pan Dahpihna: Pa Pau Khan KhupZomi Catholic Singapore: Pa Kam Khen MangIndia Zomi pan Dahpihna: B Muan Ngaihte
Pasian thu tawh hanthotna: Rev. Vungh Suan Mung, GS, TBC
Zingciang ding hun zaksakna: Pa Khup Khawm Mung, Thuvanpi
Tawpna thungetsakna: Rev. Vungh Suan Mung
Video: Nu Piang Ngaih Don aluang lakna leh thu pulakna
https://www.youtube.com/watch?v=Rj6ksz9jlhw
6. 13 Aug 2016 Saturday sun 12:00pm in sanggamnu luanghawm leh a u Mung Singapore Changi Airport ah Zomi 50 val leh Embassy Counsellor, First Secretary ban ah nasemte huh kipawlna HOME makaite, Singapore kumpi taangmi CDE pan Shamsul leh a seppihte, Indonesia pan a lawmte, Singapore gam mi pawlkhat in kikha hi. Myanmar Airways tawh kipua in Kawlgam nai 3:20pm in tung ding hi.
7. Cidam in na tung henla, khamuang tak in gimna gilkial om nawnlohna Pa Pasian kiangah na tawldamta hen. THUKHUPNAHih ciang hong tonpih Topa tungah lungdam.
Zomi hibanga kihuhtuah a semkhawm a dah khawm nuam khawma i om pen minam a hong bawl Pasian a lungdam mahmah ding hi. Semkhawm in khut khat khai khe khat khai bang peuh leng i seplah omlo, i haksat penpen hun in zong i van puak zang hi.
Zomi khempeuh
Singapore 13 Aug 2016
Comment piaknop aomleh...