Norway pan dahna thupuak: Pa Hau Lian Nang (kum 36, Man Lun beh, Tonzang)

Denmark Zomi te sung a ka it mahmah uh, Pa Hau Lian Nang ( Hau Lian ) kum 36, ( Man Lun beh ) hong nusia sa ( Pa Thang Khan Lian ) leh Nu Cing Khan Man. Tonzang Khua mi, Pinlong 15/3 Kalaymyo te ii Tanu Tapa 7 a nei na sung a ahnau tum pen in, Sikhang, Zunkhum natna te tawh January 11. 17. ni-in ah it ahngaih Zi leh tanu khat leh Denmark Zomi te, Esbjerg Zatopi ( Hospital ) Denmark pan’ 8.30 pm hun in, Pa Pasian kiang a hong ciah san hi.

Sanggam Pa Hau Lian ii Zi leh tate.

Nu Ciin Don Lun ( Nu Lun ) B.A History

Tanu, Lia, Elisabeth Man San Lian ( Sasan )

Sanggam Suahpih lai zong teng.

Lia ( Zel Don Hau ) sih kum 2003

Pa Nang Lian Mung, Nu Man Lun Niang ( Sehtak ) Kalaymyo.

Nu Dim Khan Lun. Kalaymyo

Neng Zam Thang. Nu Man Lian Lun ( Sukte )

Pa Khual Khan Suan. Nu Ciin Suan Kim ( Lalte ) Kalaymyo

Tg, Kham Suan Kim ( Austilia )

Pa ( Hau Lian Nang ) Nu Ciin Don Lun ( Kipgen ) B.A History. Denmark

Sanggam Pa Hau Lian pen, Malaysia pan 2010 kum in Denmark hong tung hi aa, Mi nunmem, migi leh mi citak khat a hihi.

ZCF-Esbjerg leh Zomi Innkuan Denmark kipawl na te sung aa, Full member ki cian mahmah khat zong a hih man in, Zomi Innkuan Denmark ( ZIDK ) te thu khun om bang in, ZIDK in, a Zi a ta tung a, Kr, 10.000,00 tawh sihgal na ki nei aa, ZCF-Esbjerg te’n Paakkual khat. ZCF-Esbjerg Nupi te’n Paakkual khat mah leh ZIDK in zong, Paakkual khat mah tawh Hanmual a ki kha ding hi.

Pawlpi sung leh Mi nam kipawl na sung a miciitak mahmah khat hi aa, a damsung in Mipi a ding’ phattuam na tampi hong bawl a hih man in, Zomi Innkuan Denmark te a ding in supna lianpi khat a tuak ka hi uh hi. Denmark a Zomi te kum 13 sung ka om khit na sung uh a’ hong nusia masa pen khat zong a hih man in ki dahpha diak hi.

Sanggam Pa, Hau Lian luanghawm pen, hih a nuai a hun leh ni-in, “Hanmual” lam a na vui ding hi ung.

Funeral Service.

Saturday, Jan 21. 17

10,00-12,00 Am

Pentecostal Church

Esbjerg. Denmark

Ih sanggam Pa Hau Lian ii a nusiat Zi leh Tanu a hi zong in, Kawlpi a om a Nu leh U leh nau te sung a, dahna kahna lunglen khua ngaih na te khempeuh ih Biak Pasian Khasiangtho in hong na heh nep sak ta hen. ” Samuel 2: 12. 23 ”

Dahna thupuak

Khen Za Muan Thang ( Khen Muan )

Esbjerg

Denmark