Nigeria Air Force te’n Refugee Camp ah Bomb khiatkha

Nigeria Air Force te’n Refugee Camp ah Bomb khiatkha

Jan. 19, 2017: Nigerian Air Force ten fighter jet zangin Borno State sunga om Boko Haram ngongtatte bomb khiat dingin ngim in bomb a khiat uh leh khial kha-in a bomb in Rann IDP refugee camp deng kha ahih manin mi 100 valin sihna tuak lawh hi ci-in Borno State ulian ten pulak uh hi.

Red Cross nasem khatin a genna ah hih Rann IDP camp bomb kikhiatna hangin Red Cross volunteer leh aid group kigawm 20 a site lakah kihel hi ci hi. Nigeria galkap commander Maj. Gen. Lucky Irabor in kamsiatna tawh (accidentally) Cameroon-Nigeria gamgi a om Rann leilu lamah bomb kikhia mah hi ci hi.

Nigeria galkap ten hih bangin a khut khialh khak uh a pulak uh pen a khat veina hi pan hi. Doctors Without Borders leh International Committee of the Red Cross (ICRC) ten liamna tuakte lakah galkap nih kihel hi ci uh hi ci-in Gen. Irabor in gen beh hi. ICRC nasem (employee) ten sihna tuakte lakah ICRC volunteer 20 kihel mah hi ci-in AP newste kiangah gen uh hi.

Rann khua pansan Doctors Without Borders ten tu dong si luang 50 kimu ta a, liamna tuak mi 120 kikem hi ci uh hi. Doctors Without Borders spokesman Etienne l’Hermitte in ulian ten Raan leitang leh huih lak panin cimawh dongtuakte a kipuak khiatna ding (land and air evacuation) kunh hi. Source: AP (Associated Press)/ Thang Khan Lian