Naupangno kum 4 aphapan khat innsangdawn panin akiasuak madeuh in avengte’n honkhia
China gamsung ah abeisa Saturday ni in numeino kum 4 bek aphapan khat amahguak innah ki nusia hi. Tua numeino pen innmailam Balcony ah adakkhiatleh sikzawn kikal ah apumpi thawlsuak dektakin alubek in awhlingleng hi.
Tua innei ah aomkha avengte’n ahunlap in naphawkkha in, kawmkilteng laupipi in sikphei in naupangno pen nahonkhia cih Chinese Media te’n genkhia hi.
Naupangno pen alubek tawh kikhaita ahih manin, kawmkil ah paipheiloh phamawh a, tuapan in atawpan apumpi damdam in domto in ki honkhiathei bilbel hi.
Hong Kong News te genna ah hih Video azaih numeinu in huhna ngeksak ci uhhi. China, Fujian’s Fuzhou City sungah thupiang hi in, naupangno sikzawn kawmkal ah alu tawh akikhai lengleng laitak Video zong kizaihkha in cikziat huai mahmah hi.
Video: Neighbour saves 4-year-old girl dangling by her head from fourth-floor balcony in China
Hih Video Clip amukha Internet azang Netizens te’n lauhuai mahmah hitaleh avengpa’n kawmkil sikphei in ahotkhiatpen pakta mahmah uhhi.
Ahonkhia avengpa “Uncle” pen pahtawina Online tungah aki gelhkhiat ngeingai mahbangin, hih naupangno ii a innkuanpih tezong mawhsakna kigelhpah ziahziah hi. Anu apa leh a innkuanpih te koi ah ommang uhhiam? Banghang naupangno kum 4 khatguakbek donlo in nusiacip uhhiam kicipah ziahziah hi.
Related: Kindergarten naupangno kepna sanginn ah Bomb puakkham hangin mi 8 si, 65 liam
Naupangno tepen upmawhlohloh siktawn kawmkal khawngah kihenhen in, tasuak theimawk uhhi. Naupangno tawh akithuah te’n hihthuthang phawkden in, ih omna ah naupangno te adingin alauhuai aomkha hiam cih khuadak zelzelding ihki phawksak hi. Sawltak #zomidaily
Comment piaknop aomleh...