Naupang tezong a ut uhleh kiteeng theihi ci’n Indonesian Supreme Court in genkhia

Naupang tezong a ut uhleh kiteeng theihi ci’n Indonesian Supreme Court in genkhia

Indonesia gamsung aom Supreme Court Justice leh Spokesman te’n agamsung ah naupangno kumcingnailo tezong aki teennop uhleh Court in ki khamtheilo hi ci’n genkhia uhhi. Tuabangin naupang kumcingnailo “Minors” tepen alunggulh uhleh kumpi thukhun “National Regulation” tawh kum ciangtan aom hangin, aki teengnuam te kiteengthei veve cimawk uhhi.

1974 Marriage Law thukhun tungtawn in Indonesia gamsung ah kiteenna aneiding tepen numei ahihleh kum 16 phakkul a, pasal ahihleh kum 19 phakkul hi. Ahi zongin 2002 Child Protection Law thukhun sungah naupangte pen kum 18 nuaisiah ahihleh kiteenkhuan omlo cihi.

Tuabang thukhun aom zenzen hangin biaknavai tawh thuneihna Religious Courts te’n naupangno kum 15 ahiphial zongin Legal takin kiteenkhuan omhi ci’n phalna piatamawk uhhi. Adiakdiak in Muslim biakna sungah naupangno kiteenna “Child marriage” cihpen aomthei zelzel thukhatzongbel ahihi.

Supreme Court Justice leh Spokesman Suhadi in hihthu tawh kisai in Jakarta Post ah Thursday ni in agenkhiatna ah mikhempeuh in a lunggulh uhleh kiteenna neitheitek hi. Tuapen mihing khempeuh ii thuneihna “Human Rights” ahihi. Kumpi thukhun Laws khatpeuh apalsatkei nakleh mikhempeuh kiteengthei a, tuapen khaamtheih omlo hi. Naupangno khatpen kiteenna aneihnop leh khaamciptheih omlo hi ci’n genkhia hi.

Abeisa inzong West Java, Indramayu ah numeino kum 15 aphapan khat pasal neihi. Pasal aneihzawh innkuansung ki bawlsiatna “Domestic Abuse” hangin tua numeino pen pasal aneihzawh kum 2 khit ciangin simawk hi. Tuavai hangin naupangno tawh kiteenna “Child marriage” pen aki lunghimawh mahmah laitak hi a, tua kawmkal ah hihbang thuthang tawh hongki zomto leuleu ahihi.

Tua asi numeino ii apasal zong naupangnolai mahmah kum 16 aphapan khat ahihi. Langnih nulepa te’n tua numeino leh pasalno aki ngaihlam uh atheihkhiat uhciangin kiteenna omlopi in asimtham in kuama theihlohkal in alupkhop, aomkhopding uh patau mahmah uhhi. Tua tungtawn in Religious Court te tungah kiteenna neihtheih nading ngetsak uh a, Court te’nzong phalna “marriage dispensation” piaksak uhhi.

More: Kum 41 aphakhin Malaysian papi khatin kum 11 aphapan numeino khat teenpih

UNICEF te’n 2017 kumin apulakna ah Indonesia gampen ASEAN gamsung ah naupangno kiteenna atampenpen anihna “Second most cases of child marriage” hi ci’n pulakkhia uhhi. Sawltak #zomidaily