Na haksatna sungah na phawk ding thu (5)

Na haksatna sungah na phawk ding thu (5)

I vai khat peuh ei deih bangin hong piang loin haksatna tuamtuam i phut khak ciang, hih a nuai-a thute i phawk ding hi.

(1) A beisa hunah Pasian mangngilh in ama maipha i zon nop loh manin Pasian in hong thuhilhna hi thei hi.

(2) Pasian in amah mangngilh in a taisan nuntakna pan, a mah phawkkik in ama kiangah a ciahkik nuntakna-ah hong paipih nuam hi thei hi.

(3) Pasian in tu laitak a a lem hetlo i vai khat pen, a hoih zaw-in piangsak nuam ahih man zong hi thei hi.

(4) Pasian in amah i up i muan’na bang ciang cih hong ze-etna zong hi thei hi.

(5) Pasian in amah tawh i kinai zawk semsem nading a deihna zong hi thei hi.

Bangbang ahi zongin, Pasian in eite’ ading asia geel ngeilo a, na khempeuh hoih nadingin piangsak hi, cih phawkin ama kiang nai-a, upna muan’na tak tawh ama zia i ngak siam ding kisam mahmah hi. Ama zia a ngak siam mite’ adingin Pasian ziakai ngeilo a, ama sungah a kiphum in ama maipha a zong mite’ hun leh vai khempeuh-ah tavuan laksak hi. Amen.

Khazih sungah,

David Tuang