Mualtungmi te deih “Federal Gam” vai Kawl Kumpi lampan sang zota

Mualtungmi te deih “Federal Gam” vai Kawl Kumpi lampan sang zota

August 15, Yangon – Tualsuak Mualtung Minamte pulak ahi, “Democracy” vai, “Minam Liangkokikimna” vai le “Eivai-eimathu ah khentat theihna” (Tualsungvai-Tualmite vaihawmtheihna) te akihel Federal Belpawlgam tawh Kawlgam kilamthakna ding thupen tulaitak Gambupuk Kumpi lampan in sangzo ta uh hi cih thu kiza hi.

Yangon khuapi a kihong “Kawlgam Daihna Innpi” ah tuni in kibawl Gamuk Kumpi lampan palaite le Mualtungmi te kipawlna “Gambup Kidona daihzawhnading Kawmiti (NCCT) te “Kidona hialbawlna ding Laipi” tawh thukikupna hun man ciang akibawl Media te tawh kihona hun ah, hih ci bangin thukiza ahi hi.

“Tuni ko (NCCT) le Kumpi te kihona ah khantohna tampi kingah hi. Athupi pen ahi, ko Tualsuak minam te deih Democracy, Minam Liangkokikimna le Eivai Eima thu tawh khentat theihna te akibulphuh Federal Belpawlgam phut ding vai Kawl Kumpi lam pan in hong sang ta uh hi. Hih pen a thupi penpen ahih man in, a dang thu om lai te pen hong lem sam in the” ci in, NCCT Makaipi Naing Han Tar in gen hi.

Tuni akibawl hih kikupna pen a beisa July kha a Kachin Gam, Laiza khuapi a kibawl thukikupna pan Kumpi tung ah akipulak thu te, lang khat le lang khat kikup ding a kibawl ahi hi.

“Ko Mualtung Tualsuakmi te pulak thute Kumpi in hong sang hi. Ko lam pan in zong (Kumpi thubulphuh ahi) “I Vaipuakpi 3” (our 3 National causes) na sang sak ung. Adang khat ah ko lam pan “Revolution” (Gamkek te hawlkhiatna) cih pen Kilemna-Laipi thulu pan hem khiat ding thukim ung. Aizong in a laipi sung ah zonolna bel kigelh veve ding hi.” Ci in, NCCT pan Dr. Lian Mung Sakhong in gen hi.

Kawlgam Kumpi lam pan thupulak palai U Hlah Maung Shwe in “Gamuk Kumpi lam pan kikupkik ding akisam thute pawl khat pulak hi. Aizong in kikum hunsung ciangin, a thu khat ta a kikup ding hi. Tualsuak mite deih Federal system pen Kumpi lam a sang man a, “Vaipuak pi 3” pen Tualsuak mite lam pan a sang kik cih dan bel hi lo hi.” Ci in gen hi.

Galkap te lamsang thute vai le Kilemna Laipi suaihkaihna kibawlma hun kikal om dan, gamtat dan ding te bel August 16 ni ciangin kikum ding uh hi. “Galkap te lamsang vai le Kilemna Laipi suaihkaihna kibawlma hun kikal vai tepen thupi mahmah hi. Tua sangin, hih Thubullet te (Federal system) pen thupizaw hi. Kumpi lam pan Federal sang khin uh hi in, a dang vai te bel haksa lua nawn ken teh” ci in Dr. Lian Mung Sa Khong in gen beh hi.

“Federal tawh kigawl Gambup minamkik akihel Federal Galkap in kigawmzawh nading zong a thu in kisang hi. A voicing in bel ‘Gamukzia ding kikupna’ hun sung ah kikup ding hi” ci in Naing Han Tar in gen hi.

August 15, 2014 ni akipan akibawl “Kawlgambup Kidona daihna Laipi” a avekpi in mansiang zawh nading in August 16 ni dong, ni 2 sung kibawl ding hi a, a langtuak pan in “Thukimna” a kingah zawh leh Gambup Kidona Hialbawlna Laipi” kisuai kai zo ding hong hi ta hi. Zingsol Sr: Irrawadddy