Japan gamsung misipuah kidemna kibawl in numei khatin akhatna ngah

Japan gamsung misipuah kidemna kibawl in numei khatin akhatna ngah

Japan gamsung ah misi bangcipuah, puan bangci laihsak cihte akipan kidemna abeisa Thursday ni in omsak uhhi. Hih kidemna pen “Japan’s biggest funeral expo” ciliang uh a, Japan gamsung ah sihvuina vaitawh kisai in lahkhiatna ah anopci penpen khatin akiciamteh khat ahihi. Hih kidemna pawipi pen Japan gam ii khuapi Tokyo City sungah “Life Ending Industry EXPO 2017” cih thulu tawh akibawl ahihi.

Misi aom ciangin asikhin hilel ci’n koihsukziaulo uh a, hoihtak puahsiang, puanhoih nono silhsak uhhi. Tuapen abeisa kumtampi, taangtawn pekpan in azatzat uh angeina “Ancient Skill” khat hi a, “Ritual dressing of the dead” kici hi.

Tua misipuah kidemna ah kum 23 aphakhin numei khatin akhatna ngahkhia hi. Tuanu minpen Rino Terai kici a, anunung ah Finalists akidem mi 4 te lakpan in akhatna angahkhia ahihi.

Rino Terai in agenna ah hih kidemna ah gualzawhna ka ngahtheih nadingin nisim in misi bangcipuah cih kaki sinden cihi. Tuabang in akisin laitak in Video zong kakizaih a, koimun koiteng ah bangci bangin ki puahphatheiding kahiam cih keilekei kaki sitphakikzel cihi.

Japan’s Shinto Religion biakna thuzui te’n misi aneih uhciang in apumpi pen hoihtak in puahsitsetsak uhhi. Tuabang in misi apuahding pen amuan mahmah tebek uh cial in, tuabang nasep asemte pen “undertakers” kici hi. Meltheih tanau te muhna ah misiluang pen hoihtak puahin, apumpi leh azahmawh cihte akidawklo theithei in niklepuan alaihsak theite kideihzaw hi. Misi tepen leitung adangkhat ah apaiding cihdan in ngaihsun uh a, khualzinding bangdan in hoihtak in kithawisak sitset uhhi.

Japan gammi tepen cidam mahmah, kum tampipi nungta uh ihcih hangin ahun tungtungta “Ageing Society” hitamawk ahih manin, sihdingpen kipelhthei tuanlo hi. Tua ahih manin asih uhciang in hoihtak in akem apuahding pen lunggulh mahmah uhhi.

Okuribito Academy panin makaipipa Kimura Kouki in agenkhiatna ah Japan pen Ageing Society hita ahih manin, misi aom ciangin akem apuahding Special Skills anei Undertakers tampi kisam hi ci’n genkhia hi.

Video: Japanese undertakers dress up best looking corpses

https://www.youtube.com/watch?v=bxy1TxIuuoI

Tuahang in hih Undertakers kidemna aneisak hi a, hih tungtawn in misikem misipuah te’nzong asiamna uh Skill te khangtotuamding in lamen uhhi.

Hih kidemna panin kikhaih khiakhia in, anunung Finalists mi 4 bek hong cianta hi. Tuateng pen Stage tungah misi ciangin akihong Funeral Music kihong hiauhiausa in, thukhending Judges te’n endimdem uhhi. Misi akineih (asi taktak hisamlo) mi 4 tepen lupna muaiza “Mattresses” tungah lumdeldal in, kidemna kipan uhhi.

Related: Japan ah mawtaw khat lengzeza in Bus khat aphutlian laitak Video kizaihkha

Misi pen ihtheihsa mahbang in akhut akhe te khauhgemgam hi. Tuate pen misipuah te’n bangdan in damtak in lenhiam, itbang bangci lahkawm hiam, akhut akhe te bangdan in letsak hiam cihte akipan ki encik in akhatna aki teelkhia ahihi. Sawltak #zomidaily