Mipiten kimawk suplawh thei

Mipiten kimawk suplawh thei

Zogam ah Kumpi sum tawh a kisem khantohna khempeuh pen Mipi hang in Mipi ading hong kipia khia ahi hi.

Ih ngah Ding Hamphatna
Hamphatna tampi ih ngah ding kilawm khempeuh ih ngahloh ban ah ih ngah sunsun hamphatna khantohnate mipi in kepcing huai mahmah hi.

Gentehna: Lampi pi 20 zai leh Hawkguam pi3 in zai Buanli leh Dalkhai kikal ah hong kia in Company khat peuhpeuh in nasep ngah / Lampi hong kek ciang Pi 16 kim in hong kek leh mipi a kimawk sup hi. Tua mun mah a amaikum teh Suangphah lampi pi20 zai hong kia kik leh lampi kitosa pi 20 na pha kei leh nihvei asum ih hi hi. Katayar hong kia kik leh thumvei asum hi leuleuleu hangh.

Tuamah bang in Infrastructure a kici Lei/ Sanginn / Zato/ Lampi etc tuamtuamte Companyte sep hi a: a sem Companyten Quality hoih in hong bawlsak zawh uh leh mipi a hampha ih hi hi. A hizong in Quality hoihlo pipi Uliante tawh hong ki theih neih uh leh Mipiten a suplawh ih hi hi.

Tua ahihman in Ih Zogam khantohnang mipite vaipuak ahi hi. A hoihte hoih or a hoihlote hoihlo ci a: Pasian kiangpan ih ngah thuman gen in thuakngam huai ta hi. Lungdam, Cin Lian Khai (Zogamkhaino)