Minister: Malaysia gamsung ah Myanmar Refugee tamsemsem

Minister: Malaysia gamsung ah Myanmar Refugee tamsemsem

Malaysia gamsung aom UNHCR (United Nations High Commission for Refugees) tetung gambeel ngetna Refugee Application abawlpen leitung gamtuamtuam panin gam 17 bang phahi ci’n Malaysia Prime Minister’s Department pan Datuk Seri Shahidan Kassim in genkhia hi.

2010 kum khitzawh Malaysia gamsung ah gambeel ngetna Refugee Application abawl khempeuh lakpanin Kawlgammi mah tampen ci a, tuazom ah Sri Lanka leh Somalia gammi te hipan cihi.

Kawlgam panin Malaysia ah Refugee alutpen akum akum in khangsemsem cihzong Minister pa in genkhia hi. Kawlgam bekbek panin 2010 kumkhatsung Malaysia alut Refugee mi 84,852 pha hi. 2011 kumciangin Refugee mi 88,041 ah khangto a, 2012 kumciang in Refugee mi 100,982 phatota hi.

2013 kumciang in Refugee mi 131,387 ah kibehlap leuleu a, 2014 kumciang in Refugee mi 140,202 phato hi.

2015 kumsung in Refugee mi 143,669 phato a, 2016 kumsungzong tuciangciang Refugee mi 135,286 phakhinta cihi.

UNHCR zumpi panin hih galtai gambeel mite ii thu khatciat in sitcianna nei uhhi cihzong Minister pa in genkhia hi.

Hihbang in Malaysia gamsung ah Refugee Population atam semsemna tawh kizui in Minister pa tungah 2010 kum akipan Refugee Application abawlkhempeuh lakpan bangci bangin bangzah bangin phalna Approval ngahkhinhiam cihzong kidong hi.

Ahi zongin hihvai tawh kisai UNHCR zumpi panin Refugee Application abawlkhempeuh lakpan bangzah kipia, bangzah kinolhkik cihte pen Malaysia kumpi thunei te’n theilo uh, Information ngahlo cih uh hi. ZD Sawltak #zomidaily