Mid Valley Shopping Mall meikatna ahangpen Electric meikhau pan ci

Mid Valley Shopping Mall meikatna ahangpen Electric meikhau pan ci

Abeisa Saturday ni in Malaysia, Kuala Lumpur khuasung aom Mid Valley Megamall ah meikang in, vanlei vanzuak te kipatau ngeingai mahmah hi. Hih meikatna pen aki kankhiat ciangin Chiller Motor tawh akizopna Electric Wiring khat salua “overheated” ahih manin, tuapan in meikuang akipan hi ci’n thunei te’n pulakkhia uhhi.

Kuala Lumpur Fire and Rescue Department chief Khirudin Drahman in agenkhiatna ah Chiller Motor tawh akizom Electric Wire khau pen asatluat ciangin tuapan in meikuang akipan ahihi. Vanlei in apai Shopper tepen amanlang in hih Building sungpan in kihemkhia un ci’n tamveipi kigengen himahleh Video leh Photo zaihnuam tawh kibuai ngeingai in genhamsathei mahmah uhhi.

Hihbang tuahsiatna Accident aom ciangin Hero sepsawm kei un, Video leh Photo khawng zaihphot hithiat tadihdih kei un, amanlang in na suahtak nading un ki hemkhia in taikhia mengmengzaw un ci’n genkhia hi.

Saturday nitaklam 7:10pm hunpawl in meikuang akipan hi a, Minute 5 sungah meiphelhding in Firefighters te tungpah cihi. Ahi zongin muntuamtuam panin Video zaihnuam tamlua mahmah ahih manin, meiphelhding in akithawi Firefighter te nasepzong hoihtak in kisem theilo hi. Rescue Mission pen hong nawngkaisak mahmah hi ci’n Fire and Rescue Department Chief in genkhia hi.

Video: Small fire breaks out at Kuala Lumpur’s Mid Valley mall

Hih meikatna munpen Shopping Mall ii Ground Floor aom vanzuakna Convenience Store pan meikang akipan ahihi. Hun tomno sungin aki phelhkik theihpah hangin limsiatman veve a, Convenience Store ii 40% bang meikang tawh siacip hi. Firefighter te atunma in Shopping Management te’n amau septheihzahzah in Hose Reel leh Fire Extinguisher te zangin meiphelh kipan uhhi. Hih Mid Valley Megamall meikatna hangin asi aliam kuamah omlo cih kiza hi.

More: Malaysia, Mid Valley Shopping Mall sungah meikang omleuleu

Tukum nungdiak mahmah, abeisa May khasung inzong hih Mid Valley Megamall sungmah ah meikang omngei khinhi. Tuahunlai inzong meikatna ahangpen Electric Wiring panmah kici a, vanzuakna Shoplot khatsung aom Fax Machine panin meikuang akipan kici hi. Sawltak #zomidaily