Mi minthangte banghang khah uh

Mi minthangte banghang khah uh

Zan ni (March 2, 2022) in kawlgam a kineih siam mi minthang pawlkhat khah uh hi. March 2 pen Lokhote’ Ni (Peasants’ Day) ahi hi. Kawlgam ah galkap te’n thuneihna alakcil ni (March 2, 1962) zong ahi hi. Hih mi minthangte akhahna uh ahang tuamtuam om sam in cin athupi deuh ah:

1. Myanmar Film Industry

Covid hang leh Kapvid hang tawh kawlgam ah video nasepna (film industry) akisia cip hita hi. Tua phongkik nuam uh hikha ding hi

2. Cinema te hongkik ta ding

Tulaitak kawlgam ah datsian (movie) akizaihsa akilak nailo 200 val bang om ci hi. Datsian zung (cinema) te kikhak cip ahih man zong ahi hi. Sum tampi a awkcip suak hi

Cinema te asawtlo in honkik sawm pianta uh zong hikha ding hi. Datsian sung a kihel mi tampite thukhun 505 (a) tawh thubawl uh ahih man in matthuak tawh alau a tai tawh om zelzul hi. Datsian zung ahon theihna ding in tua mite khempeuh khahkhiatna (amnesty) khat aneih phot bel kul ding hi. Tua zong asawtlo in semkhia un um ing

3. Mipi Khimna

Mipi’ it mi minthangte akhahna hang un mipi lungdam mahmah hi. Atung a ihgente semkhia zo Lai uh hileh mipi te’n amuhdahna uh tampi kiamtuam ding hi.

Ami en leng

Tutung akhahte uh en leng atung a ihgente ngim gige uh ahih lam kilangh kasa sim hi

• Eaindra Kyaw Zin te nupa pen tulaitak mipi in pakta mahmah Lai hi
• Paing Takhon pen gamvengte nangawn in pakta mahmah uh hi
• Lu Min pen mi minthangte ahuzap mahmah khat hi
• Director Wai zong nungzui hau mahmah hi

Eaindra Kyaw Zin

Amah pen tutung kawl galkap te’n kumpi tokhom ong lakkik ciang a mit keuhpan pawl hi hetlo a, apu apa khang a nainganzi gui nei khat ahi hi
Kawlgam suahtakna ding a sisan tawh kiciam a BIA galkap aphuankhia mi 30 lak ah apu Bo Zeya zong kihel ngiat hi. Bo Zeya’ ta Kyaw zin, Kyaw Zin’ ta Eaindra Kyaw Zin. Dagon Taya te lasiam Hayma Newin te khawng tawh zong aki tanau mang uh ahi hi

Lungdam Pihna

Gilbem sung ah ni khat zong baih hetlo ahih man in hong suahtak uh pen ka lungdam pih mahmah hi. Ka gallianpen ahiphial zong in kuamah bel gilbem lut ding in ka deihsak hetkei hi. Gilbem sung ah ih ngaihsut khak loh leh ih theih khak hetloh thu na tam mahmah ahih man in amau zong alutma uh tawh tehna in athu ngaihsutna uh leh athu theihna uh tampi ki lamdang ta in um ing.

Kuama peuh ih biak Pasian in bittak in hong Kem henla, ama’ tungpan hong pai nopna Shalom mimal kim’ tungah hong tung ta hen. Kawlgam cidam ta hen! Mung Laan Thang (Yangon)