USA, Georgia State sung aom Gainesville City sungah Car Accident piangin lamzikpi ki khakcipgawp hi. Tua lamzikpi nawk in nasem akuanding khatin Accident om cih agalmuh ciangin Photo agalzaihleh atung a Photo danin suak ahih manin lamdang kisa mahmah cih Fox News pan kiza hi.
Hih Accident apianni pen April 25 ni hi a, mi 3 takin sihlawh uhhi. Mawtaw Accident hangin asipen kum 23 aphapan Hannah akici nupi khat leh kha 9 bek aphapan atanu, kum 28 aphakhin alawm numei khat hi a, akigawm in mi 3 takin asihlawh ahihi.
Asi nuta te ii anu ahi Judy Simmons in hihvai agenna ah hih Photo kamuhma in thuak hamsa kasalua mahmah cihi. Ka tanu in mawtaw ahawl laitak Control zolo in Truck mawtawpi khat taihkha cih hongki zasak cihi. Atanu, atunu leh atanu ii alawm khatin nusia cih atheih ciangin thuak hamsa salua mahmah hi.
Ahi zongin atanu te ii tuahsiatna Accident pianna munah akizaih Photo khat amuhkhak ciangin thuak noptuam samahmah hi. Tua Photo sungah vantung panin atangsuk “Light beam” kimuthei hi.
Judy Simmons in hih Photo in ka tanu, ka tunu leh alawmnu te bangpiang cih hong kilak hi. Pasian in avek un vantung ah aciahpih hi. Hih Photo kamuhkhit ciangin kathuak noptuam in, Pasian in bangmah natna satna omlo in vantung ah ciahpih suakpah cih kathei hi ci’n genkhia hi.
Hih Photo pen numei khatin azaihkhak ahihi. Tuanu pen nasep kuanding in apai hi a, amai ah mawtaw kitaih cih atheih ciangin mawtaw sungpan in tuakkhia hi.
Related: USA ah Kawlgammi khat mawtaw Accident in si ~ ZD
Lamzikpi kikhakcip in, mawtaw teng awkcip ahih manin, nasep ziakaiding cih theihi. Ahi zongin nasepna Boss te’n a uploh khakding ci’n Accident omhi cih lahtheihding in Photo azaihleh hihbangdan in asuak kici hi. ZD Sawltak #zomidaily
Comment piaknop aomleh...