Mexico ah Selfie kizaihsawm nungakno nih vanleng in nawkkha in si

Mexico ah Selfie kizaihsawm nungakno nih vanleng in nawkkha in si

Mexico ah nungakno nih vanlengtual gei ah Selfie akizaih laitak vanlengneu khatin nawkkha in si cih Bernama pan kiza hi. Saturday ni in Mexico, Chihuahua State, Chinipas Town ah thupiang hi a, tuani nitaklam mahin kivuipah cih El Heraldo de Chihuahua te’n genkhia uhhi.

Tua vanlengneu in anawkkhak nungakno tepen Nitzia Mendoza akici kum 18 aphakhinpan khatleh Clarissa Morquecho akici kum 17 aphakhinpan khat ahihi.

Vanlengtual geiah Cellphones tawh Selfie akizaih laitak in vanleng akha in nawkkha in asihlawh uh ahihi.

Selfie kizaihna panin tuahsiatna athuak tampi kizaza khin hi. Awle tawh Selfie kizaihsawm ahih manin, awle in petlum cihmah. Ferris Wheel geiah Selfie aki zaihsawm laitak nawkkha in aluvun kokkhia cihmah.

More: Meileng lampi tungah Model khat Photo akizaih laitak meileng in taihlum

Selfie pen nungakno, tangvalno tebek akizaihnuam ihsakleh pawlkhat papi khinsa, nupi khinsa tezong sukzawsem lailai uhhi 🙂 Selfie kizaih a uk phadiak te deihsakna tawh na hilhsawn dih un, lauhuai hi. ZD Sawltak #zomidaily