Mehteh mehgah tuamtuam nekna a thupina

Mehteh mehgah tuamtuam nekna a thupina

Mihingte i cidam nadingin nekledawn a thupi penpen a hihi. Pumpi tungah damlohna khat peuhpeuh i neihciangin zatui le zatang te i ne hi. Tua i nek zatui le zatang te pen nektheih tuamtuam te sungpan in hong kibawl kik hi lel hi.

Mehteh mehgah te cidamna tawh kituak dingin hoih tak i nekleh cidam nading a kisam dat tuamtuam te a kine hipah hi. Natna dal nading, pumpi khan nading, thahat nading a kisam khempeuh nekledawn sungpan in a ngah i hihi. Tua i nekte lak ah mehteh mehgah te thupi penpen hi.

A thupina leh a manphatna theileng hanciam in kine zawdeuh ding a hihman in hih a meltuamtuam a nei mehteh mehgah leh singgah tuamtuam te thupina i gen masa ding hi.

A mel tuamtuam mehteh mehgah nekna in cidamsak hi. I nek an lak ah mel tuamtuam a nei an namte a kihel ding kisam mahmah hi.

1. A sanmel a nei ante in:

Lungtang sipai mansak, thuciaptehna khuak hatsak, zunpaina lampi hoihsak, cancer a pianloh nang’ dalzo, lungtang natna dalzo, zunkhum a pianloh nang’ dalzo, guh le tang a natloh nang’ dalzo, sisan sungah natna dal lungno te thahatsak in pumpi thuakzawhna tha hatsak hi.

2. Lingmaw mel a nei an namte in:

Vitamin A leh C tam kihel in vun leh mit cidam sak, pumpi thuakzawhna thahatsak, lungtang thahatsak, cancer natna dalzo, pumpi thuakzawhna hoihsak, gilpi an gawi hatsak aa guhkhauhsak hi.

3. A engmel a nei annam te in:

A eng melnei mehteh mehgah te sungah sikdat leh calcium dat tampi om hi. Pumpi sungah lauhuaina a piangsakthei a khal/a tangh te hemkhia hi. Pumpi nosuak sak, guh khauhsak, mitthahatsak, ha to sak in cancer a pianloh nadingin dal hi.

4.Vanmel a nei an namte in:

Calcium, Florid acid, Vitamim B dat tampi nei hi. Hong nosuak sak, ciaptehna khuak thahatsak, cancer piangding kiamsak, sisan pai mansak/hatsak, ha leh guh khauhsak hi.

5. A kangmel nei an nam te in:

Thauluatna kiamsak thei, si khang kiamsak, lungtang natna piangding kiamsak, pumpi thuakzawhna thahatsak, pumpi sungaa a si cell te nungta kik sakthei hi.

Hih a meltuamtuam nei mehteh mehgah leh singgah te a lim in tawmbek hong kisuak sak hi. Hih hong kisuaksak teng a hoihpha diak cihhilo aa khenpak theih nading deihna bek a hihi.

A mel gennopna leh a melkhenpak theih nadingbek in hih te hong kisuak sak a hihi. Hih sungah hong kisuaksaklo annamte zong a hoih vive mah a hihi. Nekzelzel te bek neden lo ding hi. Nikhat in a mel nam 5 bang peuhmah a kihel in mehteh mehgah te ne ding hi. Tuahileh pumpi cidam in khuakpil hi. Ngaihsutna thahatsak bekhilo in a mi mahmah hong melhoihsak a hihi. Thangbawk