Malaysia, Limbang aom mawtawpei bawlna ah Crocodile khat ki hingmat

Malaysia, Limbang aom mawtawpei bawlna ah Crocodile khat ki hingmat

Malaysia, Sarawak State sungah awle “Crocodile” agol mahmahkhat ki hingmat cih theStar pan kiza hi. Tua Crocodile pen Sarawak, Limbang sung aom mawtawpei phopna “Tyre Repair Shop” ah tuni Sunday zingsanglam in kimukhia hi.

Khuasung mite’n hih Crocodile amuh ciangin amanlang in Fire and Rescue Department te zasakpah uhhi. Tuaciang in Fire and Rescue Department panin Firefighters te’n tua Crocodile pen damdam in gemgem uh a, ahingtang in manthei uh cihi.

Video: Giant crocodile caught in Limbang

Limbang Fire Station panin thunei te genkhiatna ah khuasung mipi te’n Limbang, Westlake aom Tyre Repair Shop ah Crocodile khat vakkawikawi cih hong zasak uh ahih manin, aphual ah Firefighter honkhat ki delhsakpah cihi.

Tua Crocodile pen golmahmah in, agihna pen Tonne khatbang phading in ki ummawh hi. Gik mahmah ahih manin, vandopna Crane khat kizang in Lorry tungah ki tento a, Sarawak Forestry aom Wildlife Authorities te tungah ki ap cih kiza hi.

Tukum February khasung inzong Penang State sung aom Jelutong Market kici vanzuakna geinai khatpan Crocodile khat ki mankhia ngeikhin hi.

Related: Malaysia, Penang Market gei khatah Awle khat ki hingmat ~ ZD

Nungkumsung mahinzong Sabah State sung aom Shopping Mall khat ii amailian ah Crocodile khat mankhiamawk uhhi. Khuasung mipi te omna anaih in Crocodile “awle” omkawikawi leh kilawm hi 🙂 Sawltak #zomidaily