Mawhna hang hi leh kua nungta ding? ~ Dr. Muan Thang

Mawhna hang hi leh kua nungta ding? ~ Dr. Muan Thang

Kawlpi leh khamtungah eimite kisi ziahziah. Mawhna hang hi mawhsut ni peuh acici om. Mawhna hang hi leh kua nungta ding?

A hang lianpi pen natna lungno te bangci ki lawh bangci ki kem ding cihte mipin tello ngiat leh ki kemlo ngiat hi lel hi.

Hausa teng leh makai tengin khauhtak in India ong nasiat bek in thukan in ki dalzia ding khuahtak vaihawm zo leh tampi pha tuam ding hi.

Germs, bacteria, viruses, fungi, covit lungno te hawl khia nuam lua in Biakinn ah ki khawm ngeingai, sigalna, mo pawi cihte awlmawh lo in sih teh Topa telzo keng cih pen khuak neiloh vai mahmah hi.

Nisim hi zah kisi pen gamtatzia khelsawmlo ki thuak toto ding hi. Australia gambup ah 2021 sungin covit tawh a si khat zong omlo hi.

Zomi vengkhat sumgah innkuan khat sungah mi 3 leh 4 si cih pen ki kep siamloh man leh makaiten hoih tak vaihawm loh man hi. Pasian peuh paulap kei ni. Covit hang a mi tampi kisi cih bek mikim in tel sawm ni.

Telzo keng na cih leh tun tel in. Covit lungno pen huih lak pan kam, nak, khit, mit, ann, tutna, ganhing, kisilna, dai lenna, puan leh van te tungtawn a ki lawh ziahziah ci tel in. Lungno te mawk sih peuh mahlo hi. Lumgno a sih loh man mihing ki si hi.

Thu ngetna bek cici ken. Mipi thu nget khopna pan ki lawh veve hi. Tua tawh lungno si ding hi leh leitungah covit lungno Pasian mawh hawlkhia , Hell a den na nak tuam lua. Tua tawh covit lungno si lo ahih man ki lawh toto hi.

Sep ding: ki dal, ki kem, ki panpih, ki gal et, tel dong ki hilh, ki gam ding. Mimal in thu ngen leh tha ki pia cih teng mikim sep theih hi. Dr. Muan Thang