Mark Pau Lam Mang (Thalmual, kum 21) sihvuiding zaksakna

Mark Pau Lam Mang (Thalmual, kum 21) sihvuiding zaksakna

Mark Pau Lam Mang vaitawh kisai Myanmar Embassy leh Malaysia Immigration te ah avaiteng siangta ahih manin vuitheih nading phalna ki ngahta hi.

Tua hi a, 23 July 2015 (Thursday) ni zingsang 11am in Sentul aom St. Joseph biakinn ah RC ngeina tawh Rev. Fr. George Packiasamy in biakpiakna Funeral Mass hong bawlsak dinghi. Hunman ciangin inntek thuzaksakna leh mangphakhak lasakna tetawh ki zomsuak dinghi.

Tuakhit ciangin Sungai Buloh hanmual ah aluanghawm tuhkikna Catechist Simon Pau Muan in hongneihsak dinghi.

St. Joseph biakinn paidanding atheilote Sentul Timor LRT Station ah adawnding in anuai a te kiseh ahih manin, akisapleh na hopih in.

1. Tg. Cin Lian Dal Ph: 017 638 4458
2. Pa Kap Deih Lam Ph: 010 264 7141
3. Tg. Tha Mang Ph: 016 292 6482
4. Pa Mangpu Ph: 011 2662 1520

Theihsakna

Kawlgam ah anutsiat ahi a Nu leh sanggam te omna Kawlpi ahzong RC pawlpi panin Rev. Fr. Nicholas Kampi leh Rev. Fr. Robert Khaipi te makaihna tawh 2pm in hehnep hunbawlna kinei dinghi.

Mark Pau Lam Mang (Thalmual, kum 21) in hongnusia

Malaysia gamsung aom KLIA thongsung panin tuni 18 July 2015 (Saturday) ni in Tg. Pau Lam Mang in hongnusia hi. 18plmangAmahpen Thalmual khuami, Tangpua beh (Pa Thang Khua Kam) leh Nu Dim Gel Cing te tapa hi a, unau 5 lakpan aneu nihna ahihi.

Tg. Pau Lam Mang (Pan Mang) pen 24 September 2012 kumin Malaysia hongtung hi a, mat leh hen, guta damiah te laupipi mahin Setapak veng ah nasem a, Kawlgam aom anu leh asanggam teng agalvak khangno kician mahmahkhat ahihi. Nungkum 30 December 2014 ni in Setapak vengpan in palik te’n namatsak uh a, thong kiasuak hi.

Adamloh ki zakhol hetlo in tuni zingsang 3am in thongsung pan hong sihsan cih kizavat ahih manin, kidah mahmah hi. Anatna pen kalna hihtuak a, zun thatheilo in aci asa bokgawp a, ni 4 sungkhawng anatkhit ciangin hong nusiaziau hihtuak hi.

Tusungteng Malaysia gamsung ah Hari Raya pawi tawh kituak ahih manin aluanghawm leh zumvai bangmah kihawmthei nailo phot a, sihvui hunding pen ahunzui in hongki tangko kikding hi.

Tg. Pau Lam Mang

Suahni: 01 April 1994
Sihni: 18 July 2015
Apa: Pa Thang Khua Kam
Anu: Dim Gel Cing
Akhua: Thalmual
Abeh: Tangpua
Pawlpi: RCM

Pianpih sanggamteng:

Nian Deih Hau
Man San Nuam
Am Gin Sang
Pau Lam Mang (hongnusia pen)
Khai Liang Thang