Mandalay ah palik te’n Pistol, thautang honkhat, vankham honkhat mankhia

Mandalay ah palik te’n Pistol, thautang honkhat, vankham honkhat mankhia

Myanmar, Mandalay khuapi sungah abeisa ninihsung palik te’n vankhamsem te sulzuihin abetkhiatna panin vankham amat banah Pistol thau khatleh thautang Bullets 83 zong mankhia uh cih Myanmar Times in genkhia hi. Tua amatkhiat Pistol pen Spain gampan akibawl Spanih-made Pistol te ahihi.

Police te kiangah Report kipia ahih manin, abeisa ninih sungin Mandalay khuasung aom inn 3 palik te’n buluhpah uhhi. Amasa in February 15 ni in, Mandalay Region, Maha Aung Myay Township sung aom Ko Soe Win @ Ar Wu kici te innsung buluh uh a, guihtheih khamtheih tuamtuam ahi Heroin 12.5 grams, ICE 2g, Pink Amphetamine 238 Tablets leh Opium 60 grams mankhia uhhi.

Tuani mahin Bai Gyi @ Tin Maung Win @ Khin Maung Tun kici min 3 bang aneipa ii asungnu te inn ah palik te’n buluh leuleu uh a, guihtheih khamtheih tuamtuam ahi Amphetamine 3305 Tablets, Heroin 5 grams, ICE 310 Tablets leh Opium 832 grams mankhia leuleu uhhi.

Azingciang February 16 ni in Patheingyi Township sung aom Bai Gyi te inn palik te’n buluh leuleu uh a, tualai ah Pistol khatleh thautang honkhat amankhia uh ahihi. Tuaban ah guihtheih vankham tuamtuam ahi Opium 29 Soap Cups, Pink Amphetamine 170,858 Tablets, Opium 28 Bags, Atasi 34 Tablets, ICE 1.05 grams leh Sudo 12,000 Tablets cihteng mankhia leuleu uhhi.

Kawlgam sungah khamtheih guihtheih pen kilimsep mahmah a, nungdiak inzong Rakhine State sung panin Buddhist Monk khattung panin vankham tampi ki mankhia hi.

More: Kawlgam ah Burmese Monk khat vankham zatang 4.6 Million tawh kiman

Philippines Presidetn pa ii siansuah bangdanliang ahikeiphial zongin Kawlgamsung aom vankham semteng hong siansuahkhia mengmengleh lunggulhhuai mahmah hi. ZD Sawltak #zomidaily

Thuthak tuamtuam natheihnop leh Zomi Daily Page facebook.com/ZomiDaily ah Like napia inla, Follow namek khitciang “See First” acihpen namek ve lawm…..