Malaysian gammi IS makaipipa US kumpi in “most wanted” sungah koih

Malaysian gammi IS makaipipa US kumpi in “most wanted” sungah koih

Muhammad Wanndy Mohamed Jedi akicipa pen Malaysian gammi hi a, Syria gamsung ah IS makaipi khatin asep laitak ahihi. Malaysia kumpi inzong amatnop mahmah uh “Wanted List” sungah akikoihden khat hi a, tu’n US kumpi inzong “one of the most wanted terrorists by Washington” ci’n tangkokhia uh cih Sydney Morning Herald pan kiza hi.

US kumpi in “Specially Designated Global Terrorist of the US Treasury’s Office of Foreign Assets Control (OFAC)” cih sungah “Most Wanted List” in akoih uh ahihi.

Wanndy kicipa pen kum 26 aphakhin khat hi a, Southeast Asian gamsung pan IS makaipi khat ahihi. IS galkapding kaikhawm in, jihadist group te panpih nadingin sumbul akaikhawm, Fund sum azonsandenpa ahihi.

Amahpen tulaitak Syria gamsung ah IS makai khatin aom kici a, ahi zongin Malaysia gamsung IS te gamtatna, ngongtatna khempeuh pen amah ii thupiak leh vaihawm vive kici hi.

Nungkum June khasung in Malaysia, Selangor sung aom Movida Nightclub ah Bomb aki sukkhapzong Wanndy ii vaihawmna kici hi.

Wanndy in Malaysia gamsung ah a ngongtatding, sukkhapna abawlding in IS galkap atumngiat in mi 2 asawl om kici hi. Tuate ii akisapna, agalvanding akipan vaihawmsak in, Movida Nightclub ah aki sukham khutlot bomb zong ama vaihawmsak cih kiza hi.

Hihpa pen Facebook tungtawn in IS galkap tumding akaikhawmzel kici a, Malaysia panin Syria lam zuanin IS tetawh kizomding in apaite zong amah ii kizoppih kici hi. Facebook pen Abu Hamzah Al-Fateh cih mintawh azang kici a, ahi zongin pawlkhat in Facebook azat hangin taangpi taangta theihding in phengzatloding kici hi.

More: Malaysia gamsung migilo te’n Grenade Bomb 8 bang neiding ki ummawh

Tua amazat hiding akici Facebook sungah azi leh ata tetawh Photo aki zaihkhopna pawlkhat kikoih a, ata zong itmahmah leh kilawm hi. Ama sungpanin apiang ata ittuak mahmah hinapi in, banghangin midangte ta te thahlup sakgawp himawk dinghiam… ZD Sawltak #zomidaily