Malaysia, Terengganu ah Operasi kibawl in gamdangmi 20 kiman

Malaysia, Terengganu ah Operasi kibawl in gamdangmi 20 kiman

Malaysia, Terengganu ah Immigration Department te’n Operasi bawlin gamdangmi nasem 20 mankhia cih NST pan kiza hi. “Op Ikrar” cih thulu tawh State Immigration Department Enforcement Officers te’n gamdangmi nasem te omna munnih ah Operasi abawl uh ahihi.

Immigration Department director Wan Suhaini Wan Mohd ii genkhiatna ah zanni Tuesday zingsang 8:30am pan kipan in nai 7 sung Operasi kibawlsuak cihi. Enforcement Officers akigawm in mi 18 kihel uh cihi.

Amasa in Dungun Hospital aom Construction Site ah Operasi lutmasa in gamdangmi nasem in aom te abanban in sikngekngek uhhi. Akigawm in gamdangmi nasem 61 thusitna nei uh a, tualak ah mi 8 kimankhia cihi.

Thusitna athuak te lakah Bangladesh gammi 17, Myanmar gammi 22, Indonesia gammi 22 kihel uhhi.

Immigration Department Director pa genna ah hih gamdangmi te naseptheih nadingin azol Local mi 2 zong kiman in thudotna kinei cihi.

Tuakhit ciangin Kampung Batu Tiong ahzong Operasi lutluelue in, Indonesia gammi 2 thusitna akineihkhit ciangin kimansuak uhhi. Anih un Malaysia gamsung ah naseptheih nadingin phalna kician neilo uh ahih manin akimansuak cihi.

Related: Malaysia gamsung Operasi pan gamdangmi 1509 kimankhin, 28 Employer zong kiman

Terengganu panin akiman tepen kum 18 leh kum 48 kikal hi uh a, avek un Ajil Detention Center ah kipuak hi ci’n Immigration Director pa’n genkhia hi.

Malaysia gamsung muntuamtuam, Construction Site, Shopping Mall cihte ah nisim in Operasi lut cih kizaden hi. Nasepna, ciahna kuanna ah kidop siamding thupi dinghi. Sawltak #zomidaily