Malaysia, Sabah vanzuakna saimai ah Sokval gul khat kiman
Malaysia, Sabah, Penampang aom nupi khatin vanzuakna sai ahongcil hi a, ahonzawh sawtnailo vanleiding Customer agal etet leh asaimai ah gul khatmu cih theStar pan kiza hi. Tua gul pen Sokval ihcih Cobra gulnam hi a, agu khauhmahmah in akigen te ahihi.
Saineinu in asaimai amau huangsung mahah akikoih mawtaw nuai panin gul amuh ciangin amanlang in kumpi thunei te zasakpah hi.
Hih thupiang pen tuni Tuesday ni zingsang 10:30am hunpawl hi a, asawtlo in Civil Defence Department pan Officers te hongtungpah uh a, agul zong mantheipah uhhi.
Hih Sokval gulpen asauna 2.8m bang sau cimawk uhhi. State Civil Defence pan thunei Director pa genkhiatna ah gulpen amatkhit uhciang in thaangkhau ipsung ah koih uh a, Lok Kawi Wildlife Park ah puaksuak uh cihi.
Malaysia gamsung ah gul tamphadiak leh kilawm a, hihbangdan in innhuangsung khawngah gul akimuh ciangin meiphelh Firefighters teta kikozel hi. Agul matte uhzong that hetlo in, ganhing khawina Wildlife ah puaktangtangse uhhi. Malaysia gamsung ah meiphelh nasep zong gulmat siamkeileh ngahbaih kholloding hileh kilawm hi π ZD Sawltak #zomidaily
Comment piaknop aomleh...