Malaysia pan Singapore tuipek in alutsawm Bangladesh gammi 4 kiman

Malaysia pan Singapore tuipek in alutsawm Bangladesh gammi 4 kiman

Malaysia leh Singapore gamgi kikal aom tuipi pektan in Singapore gamsung ah aguklutsawm Bangladesh gammi 4 kiman cih theStar pan kiza hi. Singapore gamgicing in aom Police Coast Guard (PCG) te’n amatkhiat uh hi a, Singaore gamsung ah phalna omlo, guklutsawm “Unlawful Entry” cih thutawh akiman uh ahihi.

Malaysia tui huangsung panin Singapore gamsung ah tuipektan in alutsawm mi 4 tepen pasal vive hi uh a, kum 25 leh kum 42 kikal gualpawl ahi uhhi. Tuesday ni zingsang 12:22am hun in Sungei Tuan kicihna Malaysian Territorial Waters sungpan akiman hi ci’n Singapore Police Force (SPF) leh Immigrations & Checkpoints Authority (ICA) te’n Joint Statement abawlkhopna ah genkhia uhhi.

ICA leh PCG te genkhiatna ah Singapore gamsungah Overstay in aom te ahi zongin, phalna omlo thumanlo in Singapore gamsung aguklut ahih keileh aguk pusuak tepen ki Serious lakmahmah ci’n genkhia uhhi.

Singapore gamsung ah Overstay in aom te leh illegal in alutte pen kha 6 sungbang thong kiasakthei uhhi. Tuaban ah ciingduai mahmahtawh tawsat 3 veibang piakhawmthei uhhi.

Thumanlo in Singapore gampan in apusuak sawmtezong kha 6 sungbang thong kiasak thei uh a, $2000 bangzong liaukhawm sakthei uhhi.

More: Singapore Changi Airport sungah numei khat kum 8 sung teengcip

SPF leh ICA te’n gamgi ah mihing leh mawtaw te hoihtak in Security Checks kilimbawl semsemding, migilo, vankham, thauvui thautang cihte alutloh nadingin Singapore te hanciam mahmah uh cih kiza hi. ZD Sawltak #zomidaily