Malaysia OUG Plaza ah damiah lut, RM1 Million manneiding gukhia

Malaysia OUG Plaza ah damiah lut, RM1 Million manneiding gukhia

Malaysia, Klang Lama sung aom OUG Plaza ah damiahte lut uh a, suai leh suangmanpha kizuakna khatpan in Minute 4 sungin RM1 Million manneiding puakhia uh cih NST pan kiza hi. Migilo damiah Robbers tepen mi 4 hi uh a, khatpa in thautawh ngimkawikawi cihi.

Suntangpi in damiah alut hi a, zanni 12:51pm hunpawl in thupiang ahihi. Hih suai kizuakna Jewellery Store zongpen OUG Plaza ii alutna Entrance panin Meter 30 khawngbek agamlatna munah aom hi a, damiah te’n lauhetlo in buluhkhia uhhi.

OUG Plaza ah Security Guard asem khatpa ii genna ah damiah te alutpan in ataikhiat kikdong uh Minute 4 khawngbek sawtding cihi. Amah leh Security Guard tengin a nawngkaisakloh nading un damiah te lakpan khatpa in thautawh ngimmawk ahih manin, amauzong bangmah cihtheilo uhhi.

Tuakal in damih lakpan khatin sekpi khattawh suangmanpha leh suai akikoihna Counter te satzan in, asung aom vanmanpha teng Bag sungkhat ah guangsamsam hi.

Hih Jewellery Store mailian ahzong Convenience Shop khat om in, Cashier asem numeikhat inzong galmuh himahleh ama ii nuntakna asukkhakding patau in, bangmah cihnading theilo in kadingcip cihi.

Adang amukha khat ii genna ah Plaza kongmai ah alawmte khat in mawtaw tawh na ngak a, vanmangpha tengtawh taikhiapah uh cihi.

More: Malaysia gamsung ah khamtheih zatuizuak Kawlgammi 5 kiman

Brickfields Police Chief khat ii genna ah akiguksak vanmangpha Jewellery teng akituat ciangin RM1 Million bang manneiding cihi. Hih Jewellery saipen abeisa kumthum hunlaipawl inzong khatvei damiah te lutngeikhin cih kiza hi. ZD Sawltak #zomidaily