Malaysia, Kuala Lumpur khuapi sungah meileng 2 kiphukha, mi 210 val liam

Malaysia, Kuala Lumpur khuapi sungah meileng 2 kiphukha, mi 210 val liam

Malaysia, Kuala Lumpur khuapi sungah khuasung kikawmna meileng 2 ki phukha in, mi 210 val liamgawp cih AAP News pan kiza hi. Hih tuahsiatna apianna munpen KLCC (Petronas Twin Towers) tawh akinai aom leihawmsung Underground ah aki phukha hi ci’n thuneite’n genkhia uhhi.

Hih tuahsiatna apianhun pen Monday nitaklam 8:45pm hunpawl hi a, aki phukha meileng 2 te lakah khatpen Passenger tuanglo ahawm in apai hi a, tua meilenghawm pen akisia aki puahpha khinkhat cihi.

Alanglam ah aki phutpih meileng pen Passenger mi 213 atuang hi a, meileng sikzawn tungkhat ah meitang kituah in aki phukha hi ci’n District police chief Mohamad Zainal Abdullah in genkhia hi.

Malaysia: Over 200 injured as two trains collide each other in Kuala Lumpur | Accident News Update

Ama genkhiatna ah mi 47 tepen nakliam phadiak mahmah a, tualo adang 166 tepen liamna ngahtek in, ahuaisialua bel hilo hi ci’n Reporter te tungah genkhia hi.

Tuasiatna munpen Petronas Twin Towers ii apualam KLCC Station panin 100 Meters khawngbek agamlakna ah meilengnih maitang kituahin aki phukha ahihi.

Mohamad Zainal ii agenna ah hih tuahsiatna ahang taktakpen aki kanciansan laitak hi a, ahi zongin meileng thusai Trains’ Operations Control Center te khatlekhat ki thuzak khialhna Miscommunication hang hiding hi ci’n genkhia hi.

More: Malaysia meileng tuahsiatna hangin KTM meileng te hoihtak taithei nailoding

Malaysia gamsung meileng vaisiapi ahi Transport Minister Wee Ka Siong in agenna ah hih tuahsiatna pen Metro System Operation akipatzawh kum 23 sung ah khatvei tuahsiatna apiancilna hi ci’n genkhia hi. Sawltak #zomidaily